దేశవ్యాప్తంగా అందరూ ఎదురుచూస్తున్న పాన్ ఇండియన్ మూవీ ‘సాలార్’. ఆదిపురుష్ తర్వాత ఈ ఏడాది ప్రభాస్‌కి ఇది రెండో రిలీజ్ కానుంది. KGF ఫ్రాంచైజీతో, ప్రశాంత్ నీల్ తన సత్తా ఏమిటో ప్రపంచానికి చూపించాడు. ఇక ప్రభాస్‌తో ఈ మాస్‌ డైరెక్టర్‌ కలిసి పని చేయడంతో సాలార్‌పై అంచనాలు ఆకాశాన్నంటాయి. అయితే ప్రభాస్ ‘సాలార్’ రిలీజ్ ముందే ప్రకంపనలు సృష్టిస్తోంది, మూవీ థియేట్రికల్ రైట్స్‌పై భారీ ఆసక్తి నెలకొంది.
కాగా, ఈ యాక్షన్ ఎంటర్‌టైనర్‌కు సంబంధించిన ఓవర్సీస్ హక్కులు మూడు అంకెలకు (దాదాపు 100 కోట్లు) దగ్గరగా ఉన్న ధరకు అమ్ముడయ్యాయని సినీ సర్కిల్ లో వినిపిస్తోంది. ఈ సినిమా ప్రీ-రిలీజ్ బిజినెస్‌తో గొప్ప రికార్డులను సృష్టించడానికి సిద్ధంగా ఉంది. దేశీయంగా, ఓవర్సీస్‌లో దీనికి భారీ డిమాండ్ ఏర్పడింది. ట్రేడ్‌ వర్గాల్లో ఆసక్తి నెలకొనడంతో పలు ప్రాంతాల్లో సాలార్ ఆర్‌ఆర్‌ఆర్‌ను క్రాస్ చేస్తుందని తెలుస్తోంది. ఇది సలార్ పై ఉన్న క్రేజ్‌ను ప్రదర్శిస్తుంది.
ఇక ఈ సినిమాలో శృతిహాసన్ కథానాయికగా నటిస్తుండగా, పృథ్వీరాజ్ సుకుమారన్, జగపతిబాబు ఇతర కీలక పాత్రలు పోషిస్తున్నారు. హోంబలే ఫిలింస్ బ్యానర్‌పై విజయ్ కిరగందూర్ నిర్మిస్తున్న ఈ చిత్రానికి రవి బస్రూర్ స్వరాలు సమకుర్చనున్నారు. సాలార్ సెప్టెంబర్ 28, 2023న ప్రేక్షకుల ముందుకు రానుంది.