స్టైలిష్ స్టార్ అల్లు అర్జున్ ప్రస్తుతం సుకుమార్ దర్శకత్వంలో పుష్ప సినిమా చేస్తున్న సంగతి తెలిసిందే. గంధపు చెక్కల స్మగ్లింగ్ నేపథ్యంలో తెరకెక్కుతున్న ఈ చిత్రంలో అల్లు అర్జున్ పుష్ప రాజ్ గా కనిపించనున్నాడు. ఇక ఈ సినిమాలో అల్లు అర్జున్ సరసన రష్మిక మందన నటిస్తోంది. ఇదిలా ఉండగా ఈ సినిమాకు సంబంధించిన ఓ వార్త ఇప్పుడు బయటకు వచ్చింది.
ఈ సినిమాలో యంగ్ హీరోయిన్ ఐశ్వర్య రాజేష్ బన్నీకి సోదరి పాత్రలో కనిపించబోతుందట. అలాగే ఆమె పాత్ర ఒక ఎమోషనల్ ట్రాక్ లో ఉంటుందని తెలుస్తోంది. మరోవైపు ఓ స్పెషల్ సాంగ్ కూడా ఈ సినిమాలో దర్శకుడు సుకుమార్ సెట్ చేశారు. ఆ సాంగ్ లో బాలీవుడ్ బ్యూటీ ఊర్వశి రౌతేలా నటిస్తోంది. ఇక దేవిశ్రీ ప్రసాద్ సంగీతం అందిస్తున్న ఈ సినిమాను మైత్రి మూవీ మేకర్స్ నిర్మిస్తున్నారు.