లోక‌నాయ‌కుడు కమల్‌హాసన్‌ -మణిరత్నం కాంబినేషన్‌లో వస్తోన్న లేటెస్ట్ అప్‌కమింగ్ మూవీ ‘థగ్‌ లైఫ్‌’. కాగా, ఈ సినిమాకి సంబంధించి ప్రస్తుతం పాండిచ్చేరి ఎయిర్‌పోర్టులో యాక్షన్‌ సన్నివేశాలను చిత్రీకరిస్తున్నారు. ఇందులో భాగంగా హెలికాప్టర్‌ జంపింగ్‌ యాక్షన్‌ సీక్వెన్స్‌ను చిత్రీకరిస్తుండగా.. మాలీవుడ్ యాక్టర్ జోజు జార్జ్ ఎడమకాలికి గాయమైంది. దీంతో వెంటనే ఆయన్ను ఆస్పత్రికి తరలించి చికిత్సనందించారు. డాక్టర్లు జోజు జార్జ్ కాలికి పట్టీ వేశారు.
ఇక క‌మ‌ల్ హాస‌న్ KH234 ప్రాజెక్టుగా వస్తోన్న ఈ మూవీలో కోలీవుడ్‌ స్టార్ హీరో శింబు, పాపులర్ మాలీవుడ్ యాక్టర్ జోజు జార్జ్ జోజు జార్జ్ కీలక పాత్రల్లో నటిస్తున్నారని తెలిసిందే. ఐశ్వర్యలక్ష్మి, త్రిష, ఫీ మేల్‌ లీడ్ రోల్స్‌లో నటిస్తుండగా.. గౌతమ్‌ కార్తీక్‌, దుల్కర్ సల్మాన్‌, జయం రవి ప్రధాన పాత్రల్లో నటిస్తున్నారు. ఈ చిత్రానికి ఆస్కార్ విన్నర్ ఏఆర్‌ రెహమాన్ మ్యూజిక్‌, బ్యాక్‌గ్రౌండ్‌ స్కోర్‌ అందిస్తున్నాడు.