‘ఐఎండిబి’ రేటింగ్ లో టాప్ లేపిన ‘ఆకాశమే నీ హద్దురా’

సూర్య హీరోగా నటించిన చిత్రం ‘ఆకాశం నీ హద్దురా’ అరుదైన ఘనతను దక్కించుకుంది. కరోనా కారణంగా ఈ సినిమా ఓటీటీ ప్లాట్ ఫామ్ అమెజాన్  ప్రైమ్ లో విడుదల చేశారు. అంతర్జాతీయ సినిమా రివ్యూ సంస్థ ‘ఐఎండీబీ’లో  ప్రపంచ వ్యాప్తంగా అత్యధిక రేటింగ్ వచ్చిన 3వ సినిమాగా నిలిచింది ‘ఆకాశం నీ హద్దురా’. ఇంటర్నెట్ మూవీ డేటాబేస్ (IMDB)లో ఈ సినిమాకి 9.1 రేటింగ్ పాయింట్స్ దక్కడం విశేషం. వరల్డ్ లో టాప్-3లో, ఇండియాలో టాప్-1 లో నిలిచింది. ఈ రేటింగ్స్ లో ‘ది షావ్శాంక్’ సినిమా మొదటి స్థానంలో, ‘ది గాడ్ ఫాథర్’ రెండో స్థానంలో ఉన్నాయి. ఎయిర్ డెక్కన్ వ్యవస్థాపకులు జీఆర్ గోపీనాథ్ జీవితం ఆధారంగా తెరకెక్కిన సినిమా ఇది. తమిళ, తెలుగు భాషల్లో చక్కటి ప్రేక్షకాదరణ పొందింది. తాజాగా షాంఘై  ఇంటర్నేషనల్ ఫిలిం ఫెస్టివల్ లో పనారోమా సెక్షన్ లో ప్రదర్శనకు కూడా ఎంపికయింది.