ఆది సాయి కుమార్ అవికా గోర్ జంటగా ఎస్ బలవీర్ దర్శకత్వంలో తెరకెక్కుతున్న చిత్రం అమరన్. ఈ చిత్రంతో బలవీర్ దర్శకుడిగా పరిచయమవుతున్నాడు. జెమినీ సమర్పణలో ఎస్విఆర్ ప్రొడక్షన్స్ బ్యానర్లో ఈ సినిమా నిర్మితమవుతోంది. కాగా శనివారం ఈ సినిమాకు సంబంధించిన పూజా కార్యక్రమాలు జరిగాయి. హీరోహీరోయిన్లపై ముహూర్తపు సన్నివేశంకు సాయి కుమార్ క్లాప్ కొట్టగా…జెమిని మూర్తి కెమెరా స్విచ్ ఆన్ చేశారు. వీరభద్రం చౌదరి గౌరవ దర్శకత్వం వహించారు. ఇప్పటివరకు ఎవరూ టచ్ చేయని యూనిక్ పాయింట్ తో ఈ సినిమా ఉంటుందని ఆది సరికొత్త లుక్ లో కనిపిస్తారని దర్శకుడు బల వీర్ అన్నారు.
ప్రేక్షకులను ఎంగేజ్ చేసే కథాంశం థ్రిల్లర్ ఫాంటసీ ఎలిమెంట్స్ తో ఈ సినిమా ఉంటుందని నిర్మాత అన్నారు. కృష్ణుడు ,మనోజ్ నందన్, ఆదిత్య ఓమ్, తదితరులు కీలక పాత్ర పోషిస్తున్నారు.