మెగాస్టార్ చిరంజీవి సోషల్ మీడియాలో చేసిన ఓ ఎమోషనల్ పోస్ట్ ప్రస్తుతం వైరల్ అవుతోంది. తన నట ప్ర‌స్థానానికి యాభై ఏళ్లు పూర్తయిన సందర్భంగా ఆ రోజులను గుర్తు సోషల్ మీడియాలో పోస్ట్ పెట్టారు. “డిగ్రీ చ‌దువుకునేట‌ప్పుడు న‌ర్సాపూర్‌ వైఎన్ఎం కాలేజ్ లో రంగస్థలం మీద రాజీనామా అనే తొలి నాటకం వేశాను. నటుడిగా తొలి గుర్తింపు వ‌చ్చింది. అది బెస్ట్ యాక్ట‌ర్‌ను చేయ‌డంతో పాటు ఎనలేని ప్రోత్సాహాన్ని అందించింది. 1974 -2024: 50 సంవత్సరాల నట ప్రస్థానం.. ఎనలేని ఆనందం!” అని చిరు తన పోస్టులో రాసుకొచ్చారు.
దీనికి అప్ప‌టి తన పాత ఫొటోను జోడించారు. ప్రస్తుతం మెగాస్టార్ షేర్ చేసిన ఈ పోస్టు సామాజిక మాధ్య‌మాల్లో వైరల్ అవుతోంది. మెగా అభిమానులు దీన్ని తెగ షేర్ చేస్తున్నారు.