సలార్ సినిమా కోసం నిర్వహించిన ఆడిషన్స్ లో వందమంది కొత్త వారిని ఎంపిక చేశారు. స్టార్ హీరో ప్ర‌భాస్ న‌టిస్తోన్న కొత్త ప్రాజెక్టు సలార్. కేజీఎఫ్ డైరెక్ట‌ర్ ప్ర‌శాంత్ నీల్ ద‌ర్శ‌క‌త్వం వ‌హిస్తున్నాడు. ఈ చిత్రంలో శృతిహాస‌న్ హీరోయిన్ గా న‌టిస్తోంది. సలార్ కోసం ఇప్ప‌టికే ప్ర‌శాంత్ నీల్ అండ్ టీం కొత్త న‌టుల‌కు ఆడిషన్స్ నిర్వ‌హించారు. హైద‌రాబాద్‌, చెన్నైలో ఆడిషన్స్ నిర్వ‌హించి 100 మంది కొత్త‌వారిని ఎంపిక చేశారు. హై బ‌డ్జెట్ యాక్ష‌న్ ఫిల్మ్‌గా ప్ర‌భాస్ ఈ చిత్రంలో మెకానిక్ పాత్ర‌లో క‌నిపించ‌నుండ‌గా..కొత్త న‌టులంతా స‌లార్‌లో ప్ర‌భాస్‌తో క‌లిసి న‌టించ‌నున్నారు.ఇపుడీ వార్త టాలీవుడ్‌లో టాక్ ఆఫ్ ది టౌన్ గా మారింది. ఈ చిత్రంలో క‌న్న‌డ యాక్ట‌ర్ మ‌ధు గురుస్వామి విల‌న్‌గా న‌టిస్తున్నాడు. స‌లార్‌తో తెలుగు ప్రేక్ష‌కుల‌కు ప‌రిచ‌యం కాబోతున్నాడు.
