సంక్రాంతికి పవర్ స్టార్ మూవీ

పవర్ స్టార్ పవన్ కల్యాణ్ వకీల్ సాబ్ చిత్రంతో మూవీల్లోకి రీ ఎంట్రీ ఇచ్చారు. ఆ తరువాత వరుసగా పలు చిత్రాలు చేస్తున్నారు. కాగా  సంక్రాంతి బరిలో నిలవనుంది పవర్ స్టార్ పవన్ కల్యాణ్ మూవీ.  డైరెక్టర్‌ జాగర్లమూడి క్రిష్‌ కాంబినేషన్‌లో రూపొందుతోన్న చిత్రం ‘హరిహర వీరమల్లు'(పరిశీలనలోని టైటిల్‌). ప్రస్తుతం సినిమా షూటింగ్‌ శరవేగంగా జరుగుతోంది. పీరియాడికల్‌ నేపథ్యంలో తెరకెక్కనున్న ఈ సినిమాను మెగా సూర్య ప్రొడక్షన్ బ్యానర్‌పై ఎ.ఎం.రత్నం నిర్మిస్తున్నారు. ఈ సినిమాను 2022 సంక్రాంతికి విడుదల చేయబోతున్నట్లు నిర్మాత అధికారికంగా ప్రకటించారు. ఎం.ఎం.కీరవాణి సంగీతం అందిస్తున్నారు. మొఘల్‌ చక్రవర్తి జౌరంగజేబు కాలానికి చెందిన కథాంశంతో సినిమా తెరకెక్కుతోంది. ఈ సినిమా కోసం గండిపేట ప్రాంతాన్ని, భారీ చార్మినార్ సెట్‌ను చిత్ర యూనిట్ నిర్మించింది. ప్రస్తుతం ఈ సెట్‌లో షూటింగ్‌ జరుగుతోంది. నిధి అగర్వాల్‌, జాక్వలైన్‌ ఫెర్నాండెజ్‌ హీరోయిన్స్‌గా నటిస్తున్నారు. ఈ చిత్రంలో పవన్‌కల్యాణ్‌ పేద ప్రజలకు అండగా నిలబడే బందిపోటు పాత్రలో కనిపిస్తాడు. జౌరంగజేబు పాత్రలో బాలీవుడ్‌ స్టార్‌ అర్జున్‌ రాంపాల్‌ నటిస్తున్నాడు.