లవ్ స్టోరీ నుండి సాంగ్ రిలీజ్ చేయనున్న ‘సమంత’

దర్శకుడు శేఖర్ కమ్ముల రూపొందిస్తోన్న చిత్రం లవ్ స్టోరీ. ఈ చిత్రం నుండి మరో సాంగ్ రిలీజ్ కానుంది. సారంగ దరియా పాట లిరికల్ వీడియో రిలీజ్ కానుంది. ప్రముఖ హీరోయిన్ సమంత ఈ పాటని ఈ నెల 28న ఉదయం 10.08గంటలకు రిలీజ్ చేయనుంది. ఆ విషయాన్ని హీరోయిన్ సాయిపల్లవి ట్విటర్ ద్వారా తెలిపింది. ఈ చిత్రంలో హీరో నాగచైతన్య. ఓ అందమైన పోస్టర్‌ను అభిమానులతో పంచుకుంది సాయిపల్లవి. ఈ పాట సాయిపల్లవికి మరో అద్భుతమైన డ్యాన్స్ నెంబర్ కాబోతోందట. ఈ సినిమాలో సాయిపల్లవి డ్యాన్సర్‌గా కనిపించబోతోంది. ఏప్రిల్ 16న ఈ సినిమా ప్రేక్షకుల ముందుకు రాబోతోంది. శ్రీవెంకటేశ్వర సినిమాస్ ఎల్ఎల్‌పీ బ్యానర్‌పై తెరకెక్కుతున్న ఈ సినిమాకు సీహెచ్ పవన్ స్వరాలందిస్తున్నాడు.