రిలీజ్ కి సిద్ధంగా ఉందట గణేశాపురం చిత్రం సాయిశ్యామ్‌ పిక్చర్స్‌ సమర్పణలో పి.కాశీమాయన్‌ నిర్మాణ సారథ్యంలో కె.వీరాంగన్‌ను తొలిసారి దర్శకుడుగా పరిచయం చేస్తూ తెరకెక్కించిన చిత్రం ఇది. ఈ చిత్రంలో హీరోగా చిన్నా, హీరోయిన్‌గా కేరళకు చెందిన రిషా హరిదాస్‌ తొలిసారి పరిచయం అవుతున్నారు. వీరితో పాటు శరవణ శక్తి, రాట్చన్‌ పశుపతి రాజ్‌, రాజసింహన్‌, కయల్‌ పెరేరా, హలో కందస్వామి, టిక్‌టాక్‌ రాజ్‌ప్రియాన్‌ తదితరులు నటించారు. ఈ చిత్రం గురించి దర్శకుడు కె.వీరాంగన్‌ మాట్లాడుతూ, మధురై నేపథ్యంగా సాగే ఈ చిత్రాన్ని చూస్తున్నంతసేపు 90వ దశకంలోని అనుభూతి కలుగుతుందన్నారు. ఈ చిత్రాన్ని మంచికథతో పాటు పౌరుషం, ప్రేమ, స్నేహం వంటి అంశాలతో జనరంజకంగా నిర్మించినట్టు తెలిపారు. హీరోహీరోయిన్లు కొత్త నటీనటుల తరహాలో కాకుండా, ఎంతో అనుభవం ఉన్న వారిలా తమతమ పాత్రల్లో లీనమై నటించారన్నారు. ఈ చిత్రానికి కెమెరామెన్‌గా పనిచేసిన వాసు.. తన ప్రతిభ, కెమెరా పనితనంతో ప్రేక్షకులను 90వ దశకానికి తీసుకెళతారని తాము నమ్ముతున్నట్టు చెప్పారు. అలాగే, సంగీత బాణీలు సమకూర్చిన రాజాసాయి కూడా మంచి ట్యూన్స్‌ ఇవ్వడమే కాకుండా, మంచి నేపథ్య సంగీతాన్ని అందించారన్నారు. ఇప్పటికే ఈ చిత్రం కార్యక్రమాలన్నీ పూర్తి చేసుకుని విడుదలకు సిద్ధంగా ఉంది.
