హీరోయిన్ మెహ్రీన్ ఫిర్జాది తర్వలో పెళ్లి పీటలెక్కబోతోందట. హర్యానా మాజీ ముఖ్యమంత్రి దివంగత భజన్‌లాల్ బిష్ణోయ్ కుటుంబంలోకి మెహ్రీన్ వెళ్తున్నది. భజన్‌లాల్ బిష్ణోయ్ మనవడు భవ్య బిష్ణోయ్‌ను ఆమె పెళ్లాడనుంది. మార్చ్ 13న రాజస్థాన్‌లోని జోధ్‌పూర్ విల్లాలో ఈ ఇద్దరి నిశ్చితార్థం జరగనుంది. ఇరు కుటుంబాల సభ్యులు మరికొందరు సన్నిహితులు మాత్రమే ఈ వేడుక హాజరుకానున్నట్లు సమాచారం. నిశ్చితార్థం అనంతరం పెళ్లి తేదీ ప్రకటించనున్నారు. కొన్నిరోజుల క్రితం భవ్య, మెహ్రీన్‌కు పరిచయం ఏర్పడింది. ఆ తర్వాత వీరి పరిచయం ప్రేమగా మారి ఇప్పుడు పెళ్లి వరకు వచ్చింది. పెళ్లి తర్వాత మెహ్రీన్ సినిమాలకు దూరంగా ఉండాలని నిర్ణయం తీసుకున్నట్లు తెలిసింది.
