సీనియర్ హీరో జగపతి బాబు సెకెండ్ ఇన్నింగ్స్‌లో రూటు మార్చారు. వైవిధ్యమైన పాత్రలు పోషిస్తూ తనలోని నటుడిని వెలికి తీస్తున్నారు. జగపతి బాబు నటిస్తున్న తాజా చిత్రం మహాసముద్రం. శర్వానంద్, సిద్ధార్థ్ హీరోలుగా అజయ్ భూపతి రూపొందిస్తున్న ఈ చిత్రంలో జగపతి బాబు కీలక పాత్ర చేస్తున్నారు. ఈ రోజు (శుక్రవారం) జగపతి బాబు జన్మదినోత్సవం. ఈ సందర్భంగా మహాసముద్రం టీమ్ జగపతి బాబు ఫస్ట్‌లుక్‌ను విడుదల చేసింది. ఈ సినిమాలో జగపతి బాబు చుంచు మామ పాత్ర పోషిస్తున్నారు. ఇంతకుముందెన్నడూ లేని రీతిలో జగపతి బాబు ఊర మాస్ లుక్‌లో కనిపించారు. అదితిరావు హైదరి, అనూ ఇమ్మానుయేల్ హీరోయిన్లుగా నటిస్తున్న ఈ చిత్రం ఆగస్ట్ 19న విడుదల కాబోతోంది.
