అప్పుడు చనిపోయానా అనిపించింది..

ఆ సీన్ చేసినప్పుడు చనిపోయాననిపించిందని తెలిపింది హాలీవుడ్ హీరోయిన్ కేట్విన్ స్లేట్. అవతార్-1′ సినిమాతో ప్రపంచాన్ని అబ్బురపరిచిన జేమ్స్ కామెరాన్ తాజాగా దానికి కొనసాగింపుగా తీస్తున్న చిత్రం ‘అవతార్2’. ఈ సినిమా కోసం ప్రపంచ సినీ అభిమానులంతా ఆసక్తిగా ఎదురుచూస్తున్నారు. అవతార్2 సినిమాలో టైటానిక్ ఫేమ్ ‘కేట్విన్ స్లేట్’ కీలక పాత్ర పోషించింది. ఊపిరి బిగబట్టి నీటి అడుగులో 7 నిమిషాల 14 సెకన్ల సీన్ ఒకటి చేసింది. ఈ ఫొటో షేర్ చేసినప్పుడు అభిమానులు అబ్బురపడ్డారు. ఈ సీన్ గురించి కేట్ విన్ స్లేట్’  తన అనుభవాలను పంచుకున్నారు.’ మైండ్ బ్లాంక్ అయ్యింది. నీటి బుడగలను చూడడం తప్ప ఏ ఆలోచన లేదు. ఒక దశలో నేను చనిపోయానా అనిపించింది. చనిపోయానని అనుకున్నాను కూడా అని సంచలన విషయాలు వెల్లడించింది.అవతార్ 2 సినిమా కోసం కేట్ విన్ స్లేట్ ఒక కొత్త రికార్డు నెలకొల్పింది. ‘మిషన్ ఇంపాజబుల్’ సినిమా కోసం టామ్ క్రూజ్ ఆరు నిమిషాల అరసెకను ఊపిరిబిగబడితే.. కేట్ విన్ స్లేట్ ఏకంగా ఏడు నిమిషాలకు పైగా బిగబట్టి రికార్డు నెలకొల్పింది.