checkpoints | అక్రమార్కులపై ఉక్కుపాదం…
checkpoints | అక్రమార్కులపై ఉక్కుపాదం…
- నేరాలపై నిఘా నేత్రం
- అక్రమ రవాణాకు కట్టడి
- గంజాయి–రేషన్ బియ్యంపై ప్రత్యేక దాడులు
- అర్ధరాత్రి తనిఖీలు ముమ్మరం
- ప్రజల భద్రతే లక్ష్యంగా చర్యలు
- నేర నియంత్రణే ప్రధాన లక్ష్యం
- పోలీస్ కమిషనర్ సునీల్ దత్ స్పష్ణీకరణ
checkpoints | ఖమ్మం, ఆంధ్రప్రభ : జిల్లా వ్యాప్తంగా నేరాలను నియంత్రించడమే లక్ష్యంగా పోలీస్ యంత్రాంగం(Police Department) విస్తృత తనిఖీలు నిర్వహిస్తున్నట్లు పోలీస్ కమిషనర్ సునీల్ దత్ తెలిపారు. అక్రమ రవాణా, చట్టవ్యతిరేక కార్యకలాపాలపై ఉక్కుపాదం మోపుతున్నామని స్పష్టం చేశారు. నేరాలకు పాల్పడే వారిలో భయం కలిగించేలా చర్యలు చేపడుతున్నట్లు పేర్కొన్నారు. ప్రజల భద్రతే తమ ప్రధాన ధ్యేయమని వెల్లడించారు. జిల్లా అంతటా అన్ని పోలీస్ స్టేషన్ పరిధుల్లో తనిఖీలు కొనసాగుతున్నాయని తెలిపారు. ప్రతి ప్రాంతంలో పోలీస్ బలగాలను అప్రమత్తం చేశామని అన్నారు. నేరస్తులకు అవకాశం ఇవ్వబోమని హెచ్చరించారు.
checkpoints |ఏటీఎంలు, బ్యాంకుల వద్ద పెట్రోలింగ్..
నగరంతో పాటు గ్రామీణ ప్రాంతాల్లోని ఏటీఎం కేంద్రాలు, బ్యాంకుల పరిసరాల్లో పోలీస్ పెట్రోలింగ్(patrolling) ముమ్మరం చేశారు. అర్ధరాత్రి వేళల్లో అనుమానాస్పద వ్యక్తుల కదలికలపై ప్రత్యేక దృష్టి సారించారు. అనుమానాస్పద వాహనాలను ఆపి తనిఖీలు నిర్వహించారు. ప్రజలకు భద్రతా భావన కల్పించడమే లక్ష్యంగా ఈ చర్యలు చేపట్టారు. దొంగతనాలు, చోరీలను అరికట్టేందుకు రాత్రి గస్తీ పెంచారు. ప్రతి అనుమానాన్ని సీరియస్గా తీసుకుంటున్నామని అధికారులు తెలిపారు. పరిస్థితిని ఎప్పటికప్పుడు సమీక్షిస్తున్నట్లు వెల్లడించారు.
checkpoints |సరిహద్దుల వద్ద వాహనాల తనిఖీలు..
సరిహద్దు రాష్ట్రాల మీదుగా జరుగుతున్న అక్రమ రవాణాపై ప్రత్యేక నిఘా పెట్టినట్లు కమిషనర్ తెలిపారు. గంజాయి, ఇసుక, రేషన్ బియ్యం అక్రమంగా తరలిస్తున్న వాహనాలను లక్ష్యంగా తనిఖీలు చేపట్టారు. జిల్లా ప్రవేశ ద్వారాల వద్ద చెక్పోస్టుల(checkpoints)ను మరింత కఠినంగా అమలు చేస్తున్నారు. అనుమానాస్పద లారీలు, ట్రక్కులను పూర్తిగా పరిశీలిస్తున్నారు. అక్రమ రవాణాకు పాల్పడిన వారిపై కేసులు నమోదు చేస్తున్నారు. చట్టాన్ని ఉల్లంఘిస్తే కఠిన చర్యలు తప్పవని హెచ్చరించారు. అక్రమ సంపాదనకు అవకాశం ఇవ్వబోమని స్పష్టం చేశారు.
checkpoints |ఇసుక అక్రమ రవాణాపై కేసులు..
సరిహద్దు రాష్ట్రాల నుంచి అక్రమంగా తరలిస్తున్న ఇసుక లారీలపై కఠిన చర్యలు తీసుకుంటున్నట్లు తెలిపారు. ఇసుక రవాణాకు సంబంధించి అనుమతి పత్రాలు లేకపోతే వెంటనే కేసులు నమోదు చేయాలని ఆదేశించారు. వాహనాలను సీజ్ చేసి చట్టపరమైన చర్యలు తీసుకుంటున్నారు. రవాణా శాఖ(transport department) నిబంధనలు ఉల్లంఘించిన వారిపై జరిమానాలు విధిస్తున్నారు. ప్రభుత్వ ఆదాయానికి నష్టం కలిగించే చర్యలను సహించబోమన్నారు. అక్రమ రవాణాదారులపై నిరంతర నిఘా కొనసాగుతుందని తెలిపారు. జిల్లాలో ఇసుక మాఫియాకు చోటు లేదని స్పష్టం చేశారు.
checkpoints |డ్రంక్ అండ్ డ్రైవ్ తనిఖీలు..
మద్యం మత్తులో వాహనాలు నడుపుతూ రోడ్డు ప్రమాదాలు జరుగుతున్న నేపథ్యంలో డ్రంక్ అండ్ డ్రైవ్(drunk and drive) తనిఖీలు ముమ్మరం చేశారు. రాత్రి వేళల్లో ప్రత్యేక బృందాలతో తనిఖీలు చేపట్టారు. మద్యం సేవించి వాహనాలు నడిపిన వారిని గుర్తించి కేసులు నమోదు చేశారు. నిబంధనలు ఉల్లంఘించిన వారికి చట్టపరమైన శిక్షలు విధిస్తున్నారు. రోడ్డు ప్రమాదాలను నివారించడమే ఈ చర్యల లక్ష్యమన్నారు. ప్రజలు స్వచ్ఛందంగా సహకరించాలని కోరారు. బాధ్యతాయుతమైన డ్రైవింగ్తోనే ప్రాణాలు కాపాడుకోవచ్చని తెలిపారు.
checkpoints |పాత నేరస్తులపై ప్రత్యేక నిఘా..
దొంగతనాలు జరగకుండా పాత నేరస్తుల కదలికలపై ప్రత్యేక నిఘా పెట్టినట్లు తెలిపారు. అన్ని పోలీస్ స్టేషన్(police station) పరిధిలో విస్తృత తనిఖీలు కొనసాగుతున్నాయి. అనుమానిత వ్యక్తులు కనిపిస్తే పూర్తి వివరాలు సేకరిస్తున్నారు. వారి గత చరిత్రను పరిశీలించి అవసరమైన చర్యలు తీసుకుంటున్నారు. నిర్దోషులకు ఇబ్బంది కలగకుండా జాగ్రత్తలు తీసుకుంటున్నామని తెలిపారు. తనిఖీల అనంతరం స్పష్టత వచ్చిన వారికి వెసులుబాటు కల్పిస్తున్నారు. నేరరహిత సమాజ నిర్మాణమే లక్ష్యంగా ముందుకెళ్తున్నామని కమిషనర్ సునీల్ దత్ స్పష్టం చేశారు.
