భారత మార్కెట్లో ప్రముఖ చైనా స్మార్ట్ ఫోన్ వివో నుంచి త్వరలో వివో వి30 సిరీస్ లాంచ్ కానుంది. మార్చి 7న ఈ ఫోన్ లాంచ్ కానుండగా.. ఈ మిడ్-రేంజ్ ఫోన్ ధర వివరాలు ఆన్‌లైన్‌లో లీక్ అయ్యాయి. మరి ఆ వివరాలు ఎంటో చూద్దాం..
ధర వివరాలు ఇవే !
వి30 బేస్ వేరియంట్ దాదాపు రూ.40వేలు ధర ఉంటుందని తెలుస్తొంది. వివో వి30 ప్రో మోడల్ ధర సుమారు రూ.45వేలుగా ఉండవచ్చు. ఇక రెండు డివైజ్‌ల్లో 6.78-అంగుళాల కర్వడ్1.5కె అమోల్డ్ డిస్‌ప్లేతో 120హెచ్‌జెడ్ రిఫ్రెష్ రేట్, 300హెచ్‌జెడ్ టచ్ శాంప్లింగ్ రేట్, 2,800 నిట్‌ల గరిష్ట ప్రకాశంతో వస్తాయి. ప్రామాణిక మోడల్‌లో క్వాల్‌కామ్ స్నాప్‌డ్రాగన్ 7 జెనరేషన్ 3 చిప్‌సెట్ ఉంటుంది. అయితే, ప్రో వెర్షన్ మీడియాటెక్ డైమెన్సిటీ 8200 ఎస్ఓసీని ఎంచుకుంటుంది.
వివో వి30 ఇండోనేషియన్ వేరియంట్ 12జీబీ వరకు ఎల్‌పీడీడీఆర్4ఎక్స్ ర్యామ్, 512జీబీ వరకు యూఎఫ్ఎస్ 2.2 స్టోరేజ్‌ను అందిస్తుంది. అయితే, వి30 ప్రో మోడల్ 12జీబీ ఎల్‌పీడీడీఆర్5ఎక్స్ ర్యామ్, 512జీబీ యూఎఫ్ఎస్ 3.1 స్టోరేజ్‌తో వస్తుంది. ఆండ్రాయిడ్ 14 ఓఎస్ ఆధారంగా ఫన్‌టచ్ఓఎస్ 14పై రన్ అవుతున్నాయి. చివరగా, 80డబ్ల్యూ ఫాస్ట్ వైర్డ్ ఛార్జింగ్‌కు సపోర్టుతో 5,000ఎంఎహెచ్ బ్యాటరీ ఉంది.
వివో వి30 డ్యూయల్ రియర్ కెమెరా సెటప్‌తో వస్తుంది, ఓఐఎస్ సపోర్టుతో 50ఎంపీ ప్రైమరీ సెన్సార్‌ను కలిగి ఉంటుంది. అలాగే, అల్ట్రా-వైడ్-యాంగిల్ లెన్స్‌తో మరో 50ఎంపీ సెన్సార్‌ను కలిగి ఉంటుంది. మరోవైపు, వివో వి30 ప్రో ట్రిపుల్ వెనుక కెమెరా సెటప్‌కు 50ఎంపీ పోర్ట్రెయిట్ లెన్స్‌ను అందిస్తుంది. సెల్ఫీలు, వీడియో కాల్‌ల విషయానికి వస్తే.. రెండు ఫోన్‌లు 50ఎంపీ ఫ్రంట్ కెమెరాను కలిగి ఉంటాయి.