ప్రముఖ స్మార్ట్‌ఫోన్ కంపెనీ వివో ఇండియాన్ మార్కెట్‌లో మరో రెండు ఫ్లాగ్‌షిప్ స్మార్ట్‌పోన్లు లాంచ్ చేసింది. బడ్జెట్ రేంజ్‌లోనే అడ్వాన్స్‌డ్ ఫీచర్లతో.. వివో X సిరీస్ మార్కెట్లోకి వచ్చింది. మరి ఈ ఫ్లాగ్‌షిప్‌లో రిలీజ్ అయిన ఈ రెండు డివైజ్‌ల ధర, ఫీచర్లు ఎలా ఉన్నాయో చూద్దాం..
తాజగా వివో రెండు ఫ్లాగ్‌షిప్ స్మార్ట్‌ఫోన్లను లాంచ్ చేసింది. వీటిని ఎక్స్ సిరీస్‌లో వివో X100, వివో X100 ప్రో పేరుతో విడుదల చేసింది. ఈ రెండు స్మార్ట్‌ఫోన్లు లేటెస్ట్ మీడియాటెక్ డైమెన్సిటీ 9300 చిప్‌సెట్, IP68 రేటింగ్, అప్‌గ్రేడ్ చేసిన కెమెరా సెన్సార్లు, ఇతర ఫీచర్లతో రిలీజ్ అయ్యాయి.
ఫీచర్లు, స్పెసిఫికేషన్లు..
వివో X100, వివో X100 ప్రో మోడళ్లు రెండూ 6.78 అంగుళాల కర్వ్డ్ AMOLED డిస్‌ప్లేతో వస్తాయి. ఇవి 120Hz రిఫ్రెష్ రేట్‌, 1.5K రిజల్యూషన్‌తో యూజర్లను ఆకర్షిస్తాయి. వీటిలో మీడియాటెక్ నుంచి వచ్చిన లేటెస్ట్ ఫ్లాగ్‌షిప్ డైమెన్సిటీ 9300 చిప్‌సెట్‌ను వినియోగించారు. ఈ డివైజ్‌లు గరిష్టంగా 16GB RAM, 1TB స్టోరేజ్ ఆప్షన్‌తో లభిస్తాయి.
ఇవి ఆండ్రాయిడ్ 14 బేస్ట్ ఆరిజిన్ OS 4.0 ఆపరేటింగ్ సిస్టమ్‌తో పనిచేస్తాయి. వివో X100 సిరీస్ డివైజ్‌లు IP68 డస్ట్ అండ్ వాటర్ రెసిస్టెన్స్ రేటింగ్‌తో రిలీజ్ అవుతున్నాయి. ప్రో మోడల్‌లో V3 ఇమేజింగ్ చిప్ ఉంటుంది. ఇది 4K లెవల్ ప్రాసెసింగ్, మూవీ లెవల్ వీడియో స్కిన్ టోన్ ప్రొటెక్షన్‌ అందిస్తుంది.
బ్యాటరీ వివో X100 ఫోన్ 5000mAh బ్యాటరీతో వస్తుంది. ఇది 120W ఫాస్ట్ ఛార్జింగ్‌కు సపోర్ట్ చేస్తుంది. ప్రో మోడల్‌లో 5400mAh బ్యాటరీ ఉంటుంది. ఇది 100W ఫాస్ట్ ఛార్జింగ్‌కు సపోర్ట్ చేస్తుంది. అలాగే వివో X100 ప్రో కన్వీనియంట్ 50W వైర్‌లెస్ ఛార్జింగ్‌కు సైతం కంపాటబుల్‌గా ఉంటుంది.
కెమెరా కెపాసిటీ వివో X100 ఫోన్‌లో 50MP ప్రైమరీ కెమెరా, 3X ఆప్టికల్ జూమ్‌తో కూడిన 64MP పెరిస్కోప్ టెలిఫోటో, 50MP అల్ట్రావైడ్ కెమెరా ఉంటాయి. వివో X100 ప్రో మోడల్‌లో 50MP 1-ఇంచ్ కస్టమైజ్డ్ మెయిన్ కెమెరా ఉంటుంది. దీంతోపాటు 50MP అల్ట్రా-వైడ్ కెమెరా, 50MP జీస్ సూపర్ టెలిఫోటో పెరిస్కోప్ కెమెరా ఉన్నాయి.
ధర ఎంత?
వివో X100 ఫోన్ 12GB+256GB వేరియంట్ ధర CNY 3,999 (దాదాపు రూ. 45,675) కాగా, 16GB+256GB మోడల్ ధర CNY 4,299 (సుమారు రూ. 49,102), 16GB+512GB మోడల్ ధర CNY 4,599 (సుమారు రూ.52,528) వరకు ఉంది. అలాగే ఈ ఫోన్ 16GB+1TB మోడల్ ధర CNY 4,999 (సుమారు రూ.57,097)గా నిర్ణయించారు.
మరోవైపు, వివో X100 ప్రో స్మార్ట్‌ఫోన్ 12GB+256GB వేరియంట్ ధర CNY 4,999 (దాదాపు రూ. 57,097) కాగా, 16GB+256GB మోడల్ ధర CNY 5,299 (దాదాపు రూ. 60,524), 16GB+512GB కాన్ఫిగరేషన్ హ్యాండ్‌సెట్ ధర (రూ. 63,794), 16G+1TB ధర CNY 5,999 (దాదాపు రూ. 69,594) వరకు ఉంది. Vivo X100, Vivo X100 Pro రెండూ బ్లాక్, ఆరెంజ్, బ్లూ, వైట్ కలర్ ఆప్షన్లలో అందుబాటులో ఉంటాయి. ఈ సిరీస్‌లో రెండు మోడళ్లూ ఇండియాలో కూడా రిలీజ్ అయ్యే అవకాశం ఉంది. అయితే కంపెనీ ఇప్పటి వరకు ఈ విషయంపై ఎలాంటి అధికారిక ప్రకటన చేయలేదు.