హైదరాబాద్ : కార్ల కొనుగోలుదారుల కోసం ఈ పండుగ సీజన్‌ను ప్రత్యేకంగా మలుస్తూ టొయోటా కిర్లోస్కర్ మోటర్ (టికెఎం) టొయోటా రూమియన్ ఫెస్టివ్ ఎడిషన్‌ను పరిచయం చేసింది. ప్రత్యేకమైన టొయోటా జెన్యూన్ యాక్సెసరీ (టీజీఏ) ప్యాకేజీలను కలిగి ఉన్న ఈ లిమిటెడ్-ఎడిషన్ సీజన్‌ను చక్కగా, ఆకర్షణీయమైన శైలిలో జరుపుకోవడానికి సరైన మొబిలిటీ ఎంపికగా నిలుస్తుంది. రూమియన్ ఈ పండుగ ఎడిషన్, అన్ని గ్రేడ్‌లలో అందుబాటులో ఉంది. కస్టమర్‌లు ప్రీమియం అనుభవాన్ని ఆస్వాదిస్తున్నారని నిర్ధారిస్తూ రూ.20,608 విలువైన డీలర్-ఫిట్టేడ్ టీజీఏ ప్యాకేజీతో వస్తుంది.
ఈసంద‌ర్భంగా ఫెస్టివ్ ఎడిషన్ పరిచయంపై టొయోటా కిర్లోస్కర్ మోటార్, సేల్స్-సర్వీస్-యూజ్డ్ కార్ బిజినెస్ వైస్ ప్రెసిడెంట్ శబరి మనోహర్ మాట్లాడుతూ… త‌మ కస్టమర్‌లకు అసాధారణమైన విలువను అందించాలనే త‌మ నిబద్ధతలో భాగంగా ఈ ప్రత్యేక ఎడిషన్ ను ప్రీమియం యాక్సెసరీలు, అత్యుత్తమ విక్రయానంతర సేవలతో పాటుగా పొడిగించిన వారంటీలతో అందిస్తున్నామన్నారు. ఇవన్నీ భారతీయ కొనుగోలుదారుల ప్రత్యేక అవసరాలను తీర్చడానికి ఖచ్చితంగా రూపొందించబడ్డాయన్నారు.