హైదరాబాద్ : పండుగ స్ఫూర్తిని మరింత పెంచుతూ, టొయోటా కిర్లోస్కర్ మోటార్ టొయోటా గ్లాంజా ఫెస్టివల్ లిమిటెడ్ ఎడిషన్ ని పరిచయం చేస్తున్నట్లు ప్రకటించింది. కస్టమర్‌లు ఇప్పుడు ప్రత్యేకమైన డీలర్-ఫిట్టెడ్ టొయోటా జెన్యూన్ యాక్సెసరీ (టిజిఎ) ప్యాకేజీలను ఆస్వాదించవచ్చు.
అధునాతన సాంకేతికత, సొగసైన డిజైన్, అధిక ఇంధన సామర్థ్యం కలిగిన పరిమిత-ఎడిషన్ టొయోటా గ్లాంజా రూ.20,567 విలువైన 13 ప్రత్యేకమైన టిజిఎ ప్యాకేజీతో వస్తుంది. వాహనంలో ప్రీమియం క్రోమ్ అండ్ బ్లాక్ బాడీ సైడ్ మౌల్డింగ్, బ్యాక్ డోర్ గార్నిష్ క్రోమ్ అండ్ ఓఆర్విఎం గార్నిష్ క్రోమ్ వంటి ప్రత్యేకమైన అంశాలు ఉన్నాయి. అదనపు సౌలభ్యం కోసం 3డి ఫ్లోర్‌మ్యాట్, డోర్ వైజర్ ప్రీమియం, నెక్ కుషన్‌లు (బ్లాక్ అండ్ సిల్వర్) ఉన్నాయి.
టయోటా గ్లాంజా ఫెస్టివ్ లిమిటెడ్ ఎడిషన్ పరిచయం గురించి టొయోటా కిర్లోస్కర్ మోటార్ సేల్స్-సర్వీస్-యూజ్డ్ కార్ బిజినెస్ వైస్ ప్రెసిడెంట్ శబరి మనోహర్ మాట్లాడుతూ… ఈ పండుగ సీజన్‌లో త‌మ కస్టమర్‌లకు మరింత ఉత్సాహాన్ని అందించడమే త‌మ లక్ష్యమ‌న్నారు. టొయోటా గ్లాంజా ఫెస్టివల్ లిమిటెడ్ ఎడిషన్ పరిచయంతో గ్లాంజా దాని డైనమిక్-స్పోర్టీ డిజైన్, అధునాతన ఫీచర్లు, అత్యుత్తమ పనితీరు కోసం ఎల్లప్పుడూ ప్రశంసించబడిందన్నారు. ఈ పరిమిత ఎడిషన్‌తో తాము దాని ఆకర్షణను మరింత పెంచుతున్నామన్నారు.