దేశంలో ఎలక్ట్రిక్ వాహ‌నాల డిమాండ్ రోజు రోజు కు పెరుగుతోంది. దీంతో భార‌త్ లో చాలా కంపెనీలు తమ ఎలక్ట్రిక్ స్కూటర్లను ఇండియన్ మార్కెట్లో ఇప్ప‌టికే లాంచ్ చేశాయి. ఇందులో చాలా కొత్త స్టార్టప్‌లు కంపెనీలు కూడా ప్రారంభం అయ్యాయి. దీంతో ఏ స్కూటర్ బెటర్, ఏది కాదనే ఆందోళన కస్టమర్లలో నెలకొంది. ఈ సంద‌ర్బంగా.. దేశంలో బడ్జెట్‌లో అందుబాటులో ఉండే 3 ఉత్తమ ఎలక్ట్రిక్ స్కూటర్‌ల గురించి తెలుసుకుందాం..
TVS iQube
టీవీఎస్ మోటార్ తొలిసారిగా టీవీఎస్ ఐక్యూబ్ ఎలక్ట్రిక్ స్కూటర్‌ను రిలీజ్ చేసింది. ఇది అత్యుత్తమ ఎలక్ట్రిక్ స్కూటర్ అనే చెప్పాలి. దీని లుక్, రేంజ్ రెండూ అద్భుతంగానే ఉంటాయి. ఈ బైక్ 3 కిలోవాట్ అవర్ బ్యాటరీని కలిగి ఉంది. ఛార్జ్ అవ్వ‌డానికి 5 గంటలు పడుతుంది. ఛార్జ్ చేసిన తర్వాత, ఈ ఎలక్ట్రిక్ స్కూటర్ 100 కిలోమీటర్ల మైలెజ్ ఇస్తుంది. దీని గరిష్ట వేగం గంటకు 78 కిలోమీటర్లు.
-1,61,000 ఎక్స్-షోరూమ్ ధర
Ola S1 స్కూటర్
Ola నుంచి వ‌చ్చిన S1 ఎలక్ట్రిక్ స్కూటర్ రెండవ స్థానంలో ఉంది. ఈ బడ్జెట్ వేరియంట్ బైక్ పరిధి 120-150 కిలోమీటర్ల వరకు ఉంటుంది. ఈ స్కూటర్ 3 కిలోవాట్ సామర్థ్యంతో బ్యాటరీని పొందుతుంది. పూర్తిగా ఛార్జ్ అవ్వ‌డానికి 5 గంటలు పడుతుంది. ఇది కాకుండా, దీని గరిష్ట వేగం గంటకు 90 కిలోమీటర్లు.
-97,000 ఎక్స్-షోరూమ్ ధర
ఏథర్ 450X
ఏథర్ 450x అనేది అతి త‌క్కువ స‌మ‌యంలో విపరీతమైన ప్రజాదరణ పొందిన అత్యుత్తమ ఎలక్ట్రిక్ స్కూటర్. ఇది 2.3 kW కెపాసిటీ కలిగిన లిథియం ఎండ్ బ్యాటరీ ప్యాక్డ్ బైక్. ఈ బ్యాటరీ పూర్తిగా ఛార్జ్ అవ్వ‌డానికి 6 గంటలు పడుతుంది. పూర్తి ఛార్జ్ తర్వాత ఇది 70 -85 కిలోమీటర్ల పరిధిని ఇస్తుంది. ఈ స్కూటర్ గరిష్ట వేగం గంటకు 80 కిలోమీటర్లు.
-రూ.1.40 ఎక్స్ షోరూమ్ ధర