భారత కార్ల మార్కెట్‌లో SUVల మధ్య భారీ పోటీ నడుస్తోంది. కొన్ని నెలలుగా టాటా, మహీంద్రా వాహనాల విక్రయాలు భారీగా పెరిగాయి. కాగా, మహీంద్రా కంపెనీ నుంచి స్కార్పియో అమ్మకాలు బాగా పెరిగాయి. గత నెల (నవంబర్) మహీంద్రా స్కార్పియో 12,185 యూనిట్ల అమ్మకాలు నమోదయ్యాయి. ఇదే కాలంలో హ్యుందాయ్ క్రెటా 11,814 యూనిట్ల విక్రయాలు నమోదయ్యాయి. క్రెటాపై స్కార్పియో ఆధిక్యం స్వల్పంగానే ఉంది, అయితే సేల్స్ గణాంకాలలో స్కార్పియో క్రెటాను ఓడించడం ఇదే మొదటిసారి.
గ‌తేడాది 2022 నవంబర్ లో స్కార్పియో విక్రయాలు 6,455 యూనిట్లు మాత్రమే. ఈ క్రమంలో ఈ SUV అమ్మకాలు నవంబర్ 2023లో 89% పెరిగాయి. స్కార్పియో గురించి మాట్లాడితే, కంపెనీ స్కార్పియో క్లాసిక్, స్కార్పియో-ఎన్‌లను ఈ రేంజ్‌లో విక్రయిస్తోంది. మహీంద్రా తాజాగా తన వాహనాల బుకింగ్ డేటాను విడుదల చేసింది. కంపెనీ ఓపెన్ బుకింగ్ 2.86 లక్షల యూనిట్ల వాహనాలకు ఉంది, వీటిలో అత్యధిక సంఖ్యలో మహీంద్రా స్కార్పియో SUV ఉంది.
మహీంద్రా స్కార్పియోకే కాకుండా బొలెరో ఎస్‌యూవీకి కూడా భారీ డిమాండ్ ఉంది. బొలెరో గురించి మాట్లాడితే, ఈ చౌకైన 7-సీటర్ కారు ఆల్టో కంటే ఎక్కువగా అమ్ముడవుతోంది. గత నెలలో బొలెరో అమ్మకాలు 17% పెరిగాయి. అదే సమయంలో, దాని మొత్తం అమ్మకాలు 9,333 యూనిట్లుగా నమోదయ్యాయి.
బొలెరో విక్రయాల పరంగా మారుతి యొక్క హైబ్రిడ్ SUV గ్రాండ్ విటారాను దాటింది. గ్రాండ్ విటారా 7,937 యూనిట్లు సేల్ అయ్యాయి. కంపెనీ ప్రకారం, స్కార్పియో సగటు అమ్మకాలు 17,000 యూనిట్లు, బొలెరో 9,000 యూనిట్లు.
నవంబర్ 2023లో మహీంద్రా నెలకు సగటున 51,000 యూనిట్ల బుకింగ్‌ను పొందింది. మహీంద్రా గత ఏడాది 1 లక్ష యూనిట్ల బొలెరోను అమ్మింది. కంపెనీకి చెందిన బెస్ట్ సెల్లింగ్ కారు ఇది, నగరాలతో పాటు గ్రామాల్లోని కొనుగోలుదారులకు కూడా ఇది చాలా ఇష్టం. బొలెరో మొదటి తరం 2000లో ప్రారంభమైంది. ఇప్పటివరకు 14 లక్షలకు పైగా యూనిట్లు సేల్ అయ్యాయి.
మహీంద్రా బొలెరో ధర రూ.9.78 లక్షల (ఎక్స్-షోరూమ్) నుంచి ప్రారంభమవుతుంది. దీని టాప్ వేరియంట్ ధర రూ.10.79 లక్షల (ఎక్స్-షోరూమ్ ఢిల్లీ) వరకు ఉంది. డిసెంబర్ నెలలో కంపెనీ ఉత్పత్తి తగ్గుదలని కూడా నమోదు చేసింది. స్టీల్ కొరత కారణంగా నెలాఖరులో ఉత్పత్తి తగ్గిందని కంపెనీ తెలిపింది.