ముంబయి – ప్రముఖ పారిశ్రామికవేత్త, ఇండియన్ బిలియనీర్ , ఎస్సార్ గ్రూప్ సహ వ్యవస్థాపకుడు శశి రుయా గ‌త రాత్రి కన్నుమూశారు. 81 సంవత్సరాల ఈ దిగ్గజ వ్యాపారవేత్త మరణం పట్ల ఎస్సార్ గ్రూప్ సంతాపం ప్రకటించింది. సమాజ అభ్యున్నతి, దాతృత్వం పట్ల తిరుగులేని నిబద్ధతతో ఆయన సేవలు అందించారని కొనియాడారు ఎస్సార్ గ్రూప్ ప్రతినిధులు. ఆయనలోని వినయం, ఆప్యాయత లక్షలాది మంది జీవితాలపై ప్రభావం చూపిందని గుర్తు చేసుకున్నారు ఎస్సార్ గ్రూప్‌ని స్థాపించిన శశి సోదరుడు రుయా,కుటుంబ సభ్యులు.
అన్నీ రంగాల్లో పైచేయి..
1969లో ఎస్సార్ గ్రూప్‌ని స్థాపించారు. ఓడరేవులో ఔటర్ బ్రేక్‌వాటర్ నిర్మాణం కోసం మద్రాస్ పోర్ట్ ట్రస్ట్ నుండి రూ. 2.5 కోట్ల ఆర్డర్‌ను పొందినప్పుడు సోదరుడు రవి రుయాతో శశి రుయా ప్రయాణం ప్రారంభమైంది.తొలినాళ్లలో నిర్మాణ, ఇంజినీరింగ్ రంగంపై ఎస్సార్ దృష్టి సారించింది. డబుల్ బ్రిడ్జీలు, భారీ వంతెనలు,పవర్ ప్లాంట్‌లతో సహా అనేక ప్రధాన మౌలిక సదుపాయాల ప్రాజెక్టులను నిర్మించింది. 1980వ దశకంలో, ఎస్సార్ అనేక చమురు,గ్యాస్ ఆస్తులను కొనుగోలు చేయడంతో ఇంధన రంగంలోకి విస్తరించింది.