ఓలా ఎలక్ట్రికల్‌ దీపావళి సందర్భంగా ప్రత్యేక ఆఫర్లు ప్రకటించింది. స్పెషల్‌ ఎక్స్ఛేంజ్‌ ప్రోగ్రామ్‌, ప్రత్యేక డిస్కౌంట్లు, బ్యాటరీపై వారంటీ పొడిగింపు వంటి ఆఫర్లు ప్రకటించింది. వీటితో పాటు ఓలా స్కూటర్‌ని టెస్ట్‌ రైడ్‌ చేసే కస్టమర్లకు ప్రత్యేక బహుమతులు ఇవ్వనుంది. ఆఫర్‌లో భాగంగా నవంబర్‌ 10 నుంచి అన్ని ఓలా స్కూటర్లపై 2 వేల రూపాయల అదనపు తగ్గింపు ఇవ్వనున్నట్లు తెలిపింది.
ఎంపిక చేసిన క్రెడిట్‌ కార్డు ఈఎంఐలపై 7,500 వరకు తగ్గింపు ఇస్తారు. వీటితో పాటు జీరో డౌన్‌ పేమెంట్‌, నో కాస్ట్‌ ఈఎంఐ, జీరో ప్రాసెసింగ్‌ ఫీజు, 5,99 శాతం తక్కువ వడ్డీ రేట్లు వంటి ఇతర ఆఫర్లు కూడా అందిస్తోంది. కస్టమర్లకు ఏదైనా ఎక్స్‌పీరియన్స్‌ సెంటర్‌లోనైనా ఓలా స్కూటర్‌ని టెస్ట్‌ రైడ్‌ చేయవచ్చని తెలిపింది. ప్రతి రోజూ ఎస్‌1ఎక్స్‌ ప్లస్‌ స్కూటర్‌ గెలుచుకునే అవకాశం ఉందని ప్రకటించింది.
ఎస్‌1 ప్రో జెన్‌2 లోని అన్ని స్కూటర్లపై 999 రూపాయల విలువ చేసే మర్చండైజ్‌ బహుమతులు, 1000 రూపాయల విలువైన ఓలా కేర్‌ ప్లస్‌ డిస్కౌంట్‌ కూపన్లు అందిస్తోంది. ఎస్‌1 ప్రో జెన్‌2పై 5 సంవత్సరాల బ్యాటరీ వారంటీ పొడిగింపు ఇస్తోంది. పాత పెట్రోల్‌ వాహనం ఎక్ఛ్స్‌ంజ్‌ కింద 10 వేల వరకు అదనపు బోనస్‌ ప్రకటించింది.
ఎస్‌1 ఎయిర్‌, ఎస్‌1 ఎక్స్‌ ప్లస్‌ కొనుగోలు చసే వారికి ఎక్స్‌టెండెడ్‌ బ్యాటరీ వారంటపై 50 శాతం తగ్గింపు, 5 వేల వరకు ఎక్ఛ్సేంజ్‌ బోనస్‌ ఇవ్వనుంది. ఓలా ఎలక్ట్రిక్‌ ఎస్‌1 ప్రో జెన్‌ 2 స్కూటర్‌ ప్రస్తుత ధర 1,47,499 రూపాయలుగా ఉంది. కొత్తగా తీసుకు వచ్చిన ఎస్‌1 ఎ క్స్‌ సిరీస్‌లో మూడు వేరియంట్లు ఉన్నాయి. ఎస్‌1 ఎక్స్‌ ప్లస్‌ ధర 1,09,99 రూపాయలు, ఎస్‌1 ఎక్స్‌ ధర 99,999 రూపాయలు ఎస్‌1 ఎక్స్‌ 2కేడబ్లూహెచ్‌ బ్యాటరీతో 89,999 రూపాయలుగా కంపెనీ తెలిపింది.