అంతర్జాతీయ సానుకూల సంకేతాలతో పాటు దేశీయంగా కరోనా కేసులు తగ్గుముఖం పట్టడం స్టాక్ మార్కెట్లలో జోష్‌ను నింపింది. స్టాక్ మార్కెట్లు ఈ రోజు రికార్డు స్థాయికి చేరుకున్నాయి, నిఫ్టీ మిడ్‌క్యాప్ 100 ఇండెక్స్ 25,868.95 వద్ద, నిఫ్టీ స్మాల్‌క్యాప్ 100 ఇండెక్స్ 9,389.30 వద్ద ఉన్నాయి. ఇవాళ రెండిటి ట్రేడింగ్ మిశ్రమంగా ఉన్నది. ఈ రోజు (శుక్రవారం) ఉదయం లాభాలతో ప్రారంభమైన మార్కెట్లు రోజంతా అదే బాటలో పయనించాయి. నిఫ్టీ ఒక దశలో 15,469 వద్ద లైఫ్ టైమ్ గరిష్టాన్ని తాకింది. చివరకు 97 పాయింట్ల లాభంతో 15,435 వద్ద ముగిసింది. వరుసగా ఆరో రోజు మార్కెట్ విస్తరించింది. బెంచ్మార్క్ ఇండెక్స్ నిఫ్టీ 3 నెలల విరామం తర్వాత ఈ రోజు తాజా రికార్డును తాకింది.
నిఫ్టీ 50 అంతకుముందు రికార్డు స్థాయిలో 15,431.75 (ఫిబ్రవరిలో) ను అధిగమించింది . ఇంట్రాడే ట్రేడ్‌లో 15,455.55 గరిష్ట స్థాయిని తాకింది. బిఎస్‌ఇ సెన్సెక్స్ ఆల్‌టైమ్ గరిష్ట స్థాయికి చేరుకోలేదు, కానీ 290.71 పాయింట్లు పెరిగి 51,405.93 వద్ద నిలిచింది. రిలయన్స్, గ్రాసిమ్, అదానీ పోర్ట్స్, ఎమ్ అండ్ ఎమ్ లాభాలను ఆర్జించాయి. సన్ ఫార్మా, బజాజ్ ఫిన్‌సెర్వ్, శ్రీ సిమెంట్స్, ఐసీఐసీఐ బ్యాంక్ నష్టాలను చవిచూశాయి. అమెరికా భారీ ఉద్దీపన పథకాల్ని ప్రవేశపెడుతుండడం అక్కడి సూచీలతో పాటు ఆసియా మార్కెట్లపై సానుకూల ప్రభావం చూపింది.