ప్ర‌ముఖ స్మార్ట్‌ఫోన్ కంపెనీ వన్‌ప్లస్ తన బ్రాండ్ నుంచి వన్‌ప్లస్ ఏస్ 3 ఫ్లాగ్‌షిప్ స్మార్ట్ ఫోన్‌ను లాంచ్ చేసింది. ఈ ఫోన్‌లో క్వాల్‌కాం స్నాప్‌డ్రాగన్ 8 జెన్ 2 ప్రాసెసర్‌ను అందించారు. 6.78 అంగుళాల బీవోఈ ఓరియంటల్ అమోఎల్ఈడీ స్క్రీన్ అందుబాటులో ఉంది. దీని బ్యాటరీ సామర్థ్యం 5500 ఎంఏహెచ్ కాగా… 100W సూపర్‌వూక్ ఫాస్ట్ ఛార్జింగ్‌ను సపోర్ట్ చేయనుంది.
ఫోన్ వెనకవైపు మూడు కెమెరాల సెటప్‌ను అందించారు. 50 మెగాపిక్సెల్ కెమెరాను ప్రధాన సెన్సార్‌గా అందించారు. 16 జీబీ వరకు ర్యామ్, 512 జీబీ స్టోరేజ్, ఆండ్రాయిడ్ 14 ఆపరేటింగ్ సిస్టం వంటి ఫీచర్లు ఉన్నాయి. వన్‌ప్లస్ ఏస్ 3 స్మార్ట్ ఫోన్ గ్లోబల్ మార్కెట్లలో వన్‌ప్లస్ 12ఆర్‌గా లాంచ్ కానుందని తెలుస్తోంది.
వన్‌ప్లస్ ఏస్ 3 ధర..
ఈ ఫోన్ మూడు వేరియంట్లలో అందుబాటులో ఉండనుంది.
బేస్ మోడల్ 12 జీబీ ర్యామ్ + 256 జీబీ స్టోరేజ్ వేరియంట్ ధర రూ.30,000
16 జీబీ ర్యామ్ + 512 జీబీ స్టోరేజ్ వేరియంట్ ధర రూ.33,000
16 జీబీ ర్యామ్ + 1 టీబీ స్టోరేజ్ వేరియంట్ ధర రూ.40,000
చైనాలో జనవరి 15వ తేదీ నుంచి ఈ స్మార్ట్‌ఫోన్ సేల్స్ ప్రారంభం కానున్నాయి. వన్‌ప్లస్ మనదేశంలో ‘స్మూత్ బియాండ్ బిలీఫ్’ అనే ఈవెంట్‌ను జనవరి 23వ తేదీన నిర్వహించనుంది. న్యూఢిల్లీలో ఈ కార్యక్రమం జరగనుంది.
వన్‌ప్లస్ ఏస్ 3 స్పెసిఫికేషన్లు, ఫీచర్లు
వన్‌ప్లస్ ఏస్ 3 స్మార్ట్ ఫోన్ ఆండ్రాయిడ్ 14 ఆధారిత కలర్ఓఎస్ 14.0 ఆపరేటింగ్ సిస్టంపై పని చేయనుంది. ఇందులో 6.78 అంగుళాల ఓరియంటల్ అమోఎల్ఈడీ ఎల్టీపీవో డిస్‌ప్లేను అందించారు. పీక్ బ్రైట్‌నెస్ 4,500 నిట్స్ కాగా, టచ్ శాంప్లింగ్ రేట్ 360 హెర్ట్జ్‌గా ఉంది. హెచ్‌డీఆర్ సపోర్ట్, కార్నింగ్ గొరిల్లా గ్లాస్ విక్టస్ 2 ప్రొటెక్షన్ కూడా అందించారు. అల్యూమినియం అల్లోయ్ మెటల్ మిడిల్ ఫ్రేమ్, గ్లాస్ బ్లాక్‌తో ఫోన్ బిల్ట్ క్లాసీగా ఉండనుంది. క్వాల్‌కాం స్నాప్‌డ్రాగన్ 8 జెన్ 2 ప్రాసెసర్‌పై ఈ ఫోన్ రన్ కానుంది. 16 జీబీ వరకు ఎల్పీడీడీఆర్5ఎక్స్ ర్యామ్, 1 టీబీ వరకు యూఎఫ్ఎస్ 4.0 స్టోరేజ్ అందించారు.
ఇక కెమెరాల విషయానికి వస్తే… ఫోన్ వెనకవైపు మూడు కెమెరాల సెటప్ ఉంది. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ సెన్సార్, 2 మెగాపిక్సెల్ మాక్రో కెమెరా కూడా అందించారు. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ సెన్సార్ ఉంది.
5జీ, 4జీ ఎల్టీఈ, వైఫై 7, బ్లూటూత్ వీ5.3, బైదు, గ్లోనాస్, గెలీలియో, జీపీఎస్, ఎన్ఎఫ్‌సీ వంటి కనెక్టివిటీ ఫీచర్లు అందించారు. దీంతోపాటు యాక్సెలరోమీటర్, ఈ-కంపాస్, గైరోస్కోప్, గ్రావిటీ సెన్సార్, జియోమ్యాగ్నటిక్ సెన్సార్, ఐఆర్ కంట్రోల్, లైట్ సెన్సార్, కలర్ టెంపరేచర్ సెన్సార్, ప్రాక్సిమిటీ సెన్సార్, ఎక్స్-యాక్సిస్ లీనియర్ మోటార్లు ఉన్నాయి. డాల్బీ అట్మాస్ సపోర్ట్ ఉన్న స్టీరియో స్పీకర్లు కూడా ఇందులో ఉన్నాయి. దీని బ్యాటరీ సామర్థ్యం 5500 ఎంఏహెచ్ కాగా, 100W ఫాస్ట్ ఛార్జింగ్‌ను సపోర్ట్ చేయనుంది. 0 నుంచి 100 శాతానికి 27 నిమిషాల్లోనే ఛార్జింగ్ ఎక్కనుంది. దీని మందం 0.88 సెంటీమీటర్లు కాగా, బరువు 207 గ్రాములుగా ఉంది.