హ్యాకర్లు ఎప్పటికప్పుడు కొత్త మాల్వేర్లతో చేతివాటం ప్రదర్శిస్తున్నారు. ఆన్‌లైన్‌ మోసాలకు బరితెగిస్తున్నారు. ఫేస్‌బుక్‌ బిజినెస్ ఖాతాల చోరీకి ”డక్‌టైల్‌” ప్యామిలీకి చెందిన కొత్త వెర్షన్‌ మాల్వేర్‌ను వినియోగిస్తున్నట్లు సైబర్‌ సెక్యూరిటీ పరిశోధకులు కనుగొన్నారు. సైబర్‌ సెక్యూరిటీ కంపెనీ కాస్పెరెస్కీ ప్రకారం, సైబర్‌ నేరగాళ్లు కంపెనీ ఉద్యోగులను లక్ష్యంగా చేసుకోవడానికి హానికరమైన బ్రౌజర్‌ పొడిగింపులను ఉపయోగి స్తున్నారు.
వీరు హెచ్‌ఆర్‌ డిజిటల్‌ మార్కెటింగ్‌ లేదా సోషల్‌ మీడియా మార్కెటింగ్‌లో పని చేస్తున్నవారై ఉంటారు. వీరి అంతిమ లక్ష్యం ఫేస్‌బుక్‌ బిజినెస్ ఖాతాలను #హజాక్‌ చేయడమే. కాబట్టి దాడిచేసేవారు వాటిని యాక్సెస్‌చేసే అవకాశం ఉన్న వ్యక్తులను టార్గెట్‌ చేస్తున్నట్లు అర్ధమవుతున్నది అని సైబర్‌ పరిశోధకులు తెలిపారు.
డక్‌టైల్‌ అనేది గోప్యతా ఉల్లంఘనలు, ఆర్థిక మోసాలు, దొంగతనం వంటి తీవ్రమైన పరిణామాల కోసం ప్రత్యేకంగా రూపొందించిన మాల్వేర్. వినియోగదారుల ఎఫ్‌బి ఖాతాలను హ్యాక్‌ చేయడానికి, డక్‌టైల్‌ వెనుక ఉన్న సైబర్‌ నేరస్థులు బాధితులకు హానికరమైన ఆర్కైవ్‌లను పంపుతారు, అవి సాధారణ అంశంపై థీమ్‌-ఆధారిత చిత్రాలు, వీడియో ఫైల్‌ల రూపంలో ఎర వేస్తాయి.
ఈ ఆర్కైవ్‌ల లోపల ఎక్జిక్యూటబుల్‌ ఫైల్‌లు కూడా ఉన్నాయి. వీటిలో పిడిఎఫ్‌ చిహ్నాలు, చాలా పొడవైన ఫైల్‌ పేర్లు ఉన్నాయి. ఇవి బాధితుడి దృష్టిని ఈఎక్స్‌ఈ ఎక్స్‌టెన్షన్‌ నుండి దారిమళ్లిస్తాయి. అదనంగా, నకిలీ ఫైల్‌ల పేర్లను వాటిపై క్లిక్‌ చేయడానికి స్వీకర్తలను ఒప్పించేందుకు ఔచిత్యం కోసం జాగ్రత్తగా ఎంపిక చేసినట్లు కనిపించింది. ఈ మాల్వేర్ అన్ని డెస్క్‌టాప్‌ షార్ట్‌కట్‌లు, స్టార్ట్‌ మెనూ, క్విక్‌ లాంచ్‌ టూల్‌బార్‌లను ఏకకాలంలో స్కాన్‌ చేస్తుంది.