హైదరాబాద్, (ప్రభ న్యూస్) : భారతదేశంలోని ప్రముఖ సిరప్ బ్రాండ్ అండ్ ప్రపంచవ్యాప్తంగా ఉన్న హాస్పిటాలిటీ నిపుణులకు విశ్వసనీయ భాగస్వామి అయిన మోనిన్ ఇటీవల హైదరాబాద్‌లో మోనిన్ కప్ 2024 జాతీయ స్థాయి ఫైనల్‌ను ముగించింది. మోనిన్ ఉత్పత్తులను ఉపయోగించి అసలైన సెర్వ్స్ ను సృష్టించడం ద్వారా మిక్సాలజిస్ట్‌లుగా తమ ప్రతిభను ప్రదర్శించటానికి ప్రపంచవ్యాప్తంగా ఉన్న 18-27 సంవత్సరాల వయస్సు గల కొత్త, యువ బార్టెండర్‌లను ఈ పోటీ ప్రోత్సహించింది.
2024 మోనిన్ కప్ థీమ్ తక్కువ లో ఎక్కువ, ఇది ప్రస్తుత తక్కువ ఆల్కహాల్ వినియోగ ట్రెండ్ నుండి ప్రేరణ పొందేందుకు ఔత్సాహిక బార్టెండర్‌ల కోసం సంక్షిప్త సమాచారంగా వెల్లడించబడింది. ఈసందర్భంగా మోనిన్ ఇండియా ప్రైవేట్ లిమిటెడ్ మేనేజింగ్ డైరెక్టర్ జర్మైన్ అరౌద్ తన సంతోషాన్ని వ్యక్తం చేస్తూ…
దేశవ్యాప్తంగా వర్ధమాన బార్టెండర్‌లకు ప్రపంచ వేదికపై తమ అద్భుతమైన ప్రతిభను ప్రదర్శించేందుకు మోనిన్ కప్ పోటీలు అసాధారణమైన వేదికగా ఉపయోగపడుతున్నాయన్నారు. వారు అభివృద్ధి చెందడానికి, కొత్త నైపుణ్యాలను సంపాదించడానికి వృత్తిపరమైన వేదికను అందించడమే తమ లక్ష్యమన్నారు. వారి మాతృభూమికి ప్రాతినిధ్యం వహించే అవకాశం పొందడం నిజంగా ఒక ముఖ్యమైన విజయమన్నారు.
మోనిన్ కప్ వంటి ఈవెంట్‌ల ద్వారా, మోనిన్ ఇండియా బార్టెండింగ్ కమ్యూనిటీకి దృఢమైన మద్దతును అందిస్తుందన్నారు. నైపుణ్య అభివృద్ధి, గుర్తింపు, అంతర్జాతీయ స్థాయిలో ప్రాతినిధ్యాన్ని ప్రోత్సహిస్తుందన్నారు. ఫ్రాన్స్‌లో జరిగిన గ్రాండ్ ఫినాలేలో జాతీయ విజేత మంచి ప్రదర్శనను చూడడానికి తాము ఆసక్తిగా ఎదురు చూస్తున్నామన్నారు.