టెక్ దిగ్గజం మైక్రోసాఫ్ట్ తన మొబైల్ ఏఐ యాప్‌ను పరిచయం చేసింది. మైక్రోసాఫ్ట్ ఏఐ మొబైల్ యాప్‌కు కోపైలట్ అని పేరు పెట్టారు. ఈ యాప్ ఓపెన్ఏఐ ఛాట్‌జీపీటీ యాప్‌ని పోలి ఉంటుంది. ఇంతకుముందు మైక్రోసాఫ్ట్ ఆండ్రాయిడ్ కోసం తన ఏఐ యాప్ కోపైలట్‌ను ప్రవేశపెట్టింది. ఇప్పుడు ఇది యాపిల్ వినియోగదారులకు కూడా అందుబాటులోకి వచ్చింది. కోపైలట్ యాప్ గూగుల్ ప్లే స్టోర్‌తో పాటు యాపిల్ యాప్ స్టోర్‌లో కూడా అందుబాటులో ఉంది. దీంతో ఏఐ రంగంలో కొత్త పోటీ మొదలైంది.
మైక్రోసాఫ్ట్ కోపైలట్ యాప్‌లో ఇమేజ్ క్రియేషన్, ఈ-మెయిల్స్, డాక్యుమెంట్‌ల కోసం డ్రాఫ్ట్ నోట్స్, డాల్-ఈ 3 ద్వారా జీపీటీ-4 సౌకర్యాన్ని కలిగి ఉంది. మైక్రోసాఫ్ట్ ఏఐ యాప్ కోపైలట్ ఛాట్ అసిస్టెంట్ లాగా పనిచేస్తుంది. వినియోగదారుల ఉత్పాదకతను పెంచడంలో కోపైలట్ ఏఐ యాప్ సహాయకరంగా ఉంటుందని మైక్రోసాఫ్ట్ పేర్కొంది. ఈ యాప్‌లో ఛాట్‌బాట్ ఫంక్షనాలిటీ, ఈ యాప్ సాధారణ టెక్స్ట్‌కు విజువల్స్‌ రూపం ఇవ్వగలదు.