హైదరాబాద్, అక్టోబర్ 25 (ఆంధ్ర‌ప్ర‌భ ) : దీపకాంతుల పండుగ దీపావళి. ఆనందం, ఉత్సాహంతో వేడుక జరుపుకోవడానికి ప్రియమైన వారిని ఒకచోట చేర్చుతుంది. బాదం పప్పులతో మీ దీపావళి వేడుకలను ఆరోగ్యవంతంగా మలుచుకోండి. బాదంపప్పులో ప్రోటీన్, కాల్షియం, జింక్, డైటరీ ఫైబర్, మెగ్నీషియం వంటి 15 ముఖ్యమైన పోషకాలు ఉన్నాయి. ఈసంద‌ర్భంగా న్యూట్రిషన్ అండ్ వెల్‌నెస్ కన్సల్టెంట్ షీలా కృష్ణస్వామి మాట్లాడుతూ… దీపావళిని ఆనందంగా జ‌రుపుకోవాల‌ని, బాదం వంటి పదార్ధాలను ఆహారంలో చేర్చడం, శుద్ధి చేసిన చక్కెరను ఖర్జూరం వంటి సహజ స్వీటెనర్‌లతో భర్తీ చేయడం చేయవచ్చన్నారు.
బాలీవుడ్ సెలబ్రిటీ, నటి సోహా అలీ ఖాన్ మాట్లాడుతూ… పండుగలు మనల్ని దగ్గర చేస్తున్నప్పుడు, ఆరోగ్యకరమైన విందులను ఎంచుకోవడం ఉత్తమమ‌న్నారు. పౌష్టికాహారం కలిగిన బాదంపప్పులు మనల్ని ఎక్కువసేపు సంతృప్తిగా ఉంచుతాయన్నారు. మ్యాక్స్ హెల్త్‌కేర్, న్యూ ఢిల్లీ, రీజనల్ హెడ్ – డైటెటిక్స్, రితికా సమద్దర్ మాట్లాడుతూ… బాదం వంటి పదార్ధాలను ఎంచుకోవడం ద్వారా మీరు పండుగ సమయంలో కూడా ట్రీట్‌లను ఆస్వాదించవచ్చన్నారు. ఫిట్‌నెస్ కోచ్ అండం పిలాట్స్ మాస్టర్ యాస్మిన్ కరాచీవాలా మాట్లాడుతూ… మీ దీపావళి భోజనంలో బాదం వంటి ఆరోగ్యకరమైన ఆహారాలను జోడించడం వల్ల ఆరోగ్యకరమైన శక్తిని కూడా అందిస్తుందన్నారు. పోషకాహార నిపుణులు డాక్టర్ రోహిణి పాటిల్ మాట్లాడుతూ… దీపావళి సీజన్‌లో అతిగా తినడం వల్ల ఆరోగ్యం దెబ్బతింటుందన్నారు. బాదం వంటి ఆరోగ్యకరమైన ఎంపికలతో దీపావళి సంబరాలను ఆస్వాదిద్దామ‌న్నారు.
దక్షిణ భారత నటి శ్రియా శరణ్ మాట్లాడుతూ… ముఖ్యంగా సుదీర్ఘ షూటింగ్ రోజుల్లో బాదం గింజలు త‌న బరువును అదుపులో ఉంచుకోవడానికి, ఆకలిని అరికట్టడానికి సహాయపడతాయన్నారు. స్కిన్ ఎక్స్‌పర్ట్, కాస్మోటాలజిస్ట్ డాక్టర్ గీతికా మిట్టల్ మాట్లాడుతూ… భోజనంలో బాదం వంటి పోషకాలను చేర్చడం చాలా అవసరమ‌న్నారు. ఆయుర్వేద నిపుణులు, డా.మధుమిత కృష్ణన్ మాట్లాడుతూ… బాదం చర్మ కాంతిని పెంపొందించడంలో ప్రయోజనకరమైనదిగా గుర్తించబడిందన్నారు. బాదం శరీర కణజాలాలకు తేమను అందించడానికి, నాడీ వ్యవస్థకు మద్దతునిస్తుందన్నారు. ప్రముఖ దక్షిణ భారత నటి వాణి భోజన్ మాట్లాడుతూ… దీపావళికి వంటల్లో ఆల్మండ్ బర్ఫీ ఒకటన్నారు. ఇది పోషకమైనది, సులభంగా తయారుచేయతగినదన్నారు.