ప్రపంచ సెర్చ్ ఇంజిన్ దిగ్గజం గూగుల్ సొంత బ్రాండ్ పిక్సెల్ ఫోన్లలో సరికొత్త మోడల్స్ ప్రవేశపెడుతోంది. గూగుల్ ఫ్లాగ్‌షిప్ ఫోన్లలో పిక్సెల్ 8, పిక్సెల్ 8 ప్రో లైనప్‌లో లేటెస్ట్ గా మింట్ కలర్ ఆప్షన్ ప్రవేశపెట్టింది. గత పిక్సెల్ ఫోన్ జనరేషన్లలో కనిపించే గూగుల్ పాస్టెల్ లుక్ ఈ కొత్త గ్రీన్ మింట్ కలర్‌తోనూ మిక్స్ అయి ఉంటుంది. అయితే ఈ ఫోన్ స్పెసిఫికేషన్‌లలో ఎలాంటి మార్పులు లేకుండా యూజర్లకు సరికొత్త లుక్ ఆప్షన్ అందిస్తోంది.
పిక్సెల్ 8 సిరీస్‌లో కలర్ ఆప్షన్లు
గూగుల్ పిక్సెల్ 8 ప్రో మోడల్ బే బ్లూ, అబ్సిడియన్, పోర్సెలైన్ కలర్ ఆప్షన్లు ఉండగా.. స్టాండర్డ్ పిక్సెల్ 8 మోడల్‌ల కోసం అబ్సిడియన్, హాజెల్, రోజ్‌లతో సహా ప్రస్తుత ఆప్షన్లలో కొత్త మింట్ కలర్ ఆప్షన్ వచ్చి చేరింది. పిక్సెల్ ఫోన్ తేలికపాటి షాడోతో ఆకట్టుకునేలా ఉంది.
పిక్సెల్ 8 ధర, లభ్యత
భారత మార్కెట్లో మింట్ కలర్ లభ్యత అనిశ్చితంగానే ఉంది. గూగుల్ ఇండియా స్టోర్‌లో పిక్సెల్ 8 మింట్ ఎంపిక కోసం మార్కెటింగ్ ప్రయత్నాలను చేస్తోంది. అయినప్పటికీ పిక్సెల్ 8 ప్రో లభ్యతపై అస్పష్టంగా ఉంది. భారత మార్కెట్లో గూగుల్ పిక్సెల్ ఫోన్‌లను ఫ్లిప్‌కార్ట్ ద్వారా విక్రయిస్తోంది. ఈ మోడల్ ఎప్పుడు జాబితా అయిందో లేదో ఇంకా ధృవీకరించలేదు. అందుబాటులో ఉన్నట్లయితే.. మింట్-కలర్ పిక్సెల్ 8 ఇతర కలర్ వేరియంట్‌ల మాదిరిగానే రూ.75,999 ధరకు లభిస్తుందని అంచనా.