ప్రముఖ సెర్చ్ ఇంజిన్ దిగ్గజం గూగుల్ సొంత బ్రాండ్ పిక్సెల్ ఫోన్లపై భారీ డిస్కౌంట్ అందుబాటులో ఉంది. ఈ కామర్స్ ప్లాట్‌ఫామ్ ఫ్లిప్‌కార్ట్ గూగుల్ పిక్సెల్ 7ప్రోపై భారీ డిస్కౌంట్ అందిస్తోంది. గూగుల్ పిక్సెల్ 8 మోడల్ 2023లో లాంచ్ అవ్వగా.. పిక్సెల్ 7 ప్రో అక్టోబర్ 2022లో లాంచ్ అయింది. లాంచ్ అయ్యి ఏడాదికి పైగా గడిచినా, ఆకట్టుకునే కెమెరాతో మిడ్-రేంజ్‌లో స్మార్ట్‌ఫోన్ కోసం చూస్తున్న యూజర్లకు ఈ ఫోన్ బెస్ట్ ఆప్షన్‌గా చెప్పవచ్చు. ఈ పిక్సెల్ ఫోన్ ఫ్లిప్‌కార్ట్‌లో దాదాపు రూ.30వేలు డిస్కౌంట్‌తో అందబాటులో ఉంది.
గూగుల్ పిక్సెల్ 7 ప్రో డిస్కౌంట్..
గూగుల్ పిక్సెల్ 7 ప్రో మార్కెట్‌లో రూ.84,999కి లాంచ్ అయ్యింది. అయితే ఇప్పుడు, పిక్సెల్ 7 ప్రో ఇప్పుడు ఫ్లిప్‌కార్ట్‌లో 31 శాతం తగ్గింపుతో రూ.58,999కే కొనుగోలు చేయవచ్చు. ఈ కొనుగోలుపై వినియోగదారులు దాదాపు రూ.26వేలు ఆదా చేసుకోవచ్చు. దీంతో పాటు, ఈ ఫోన్ ధరను తగ్గించడానికి వినియోగదారులు అనేక బ్యాంక్ ఆఫర్‌లను కూడా పొందవచ్చు. ఈ డీల్ గూగుల్ పిక్సెల్ 7తో పాటు లాంచ్ అయిన 12జీబీ ర్యామ్ +128జీబీ స్టోరేజ్ మోడల్‌కు వర్తిస్తుందని గమనించాలి. అలాగే, ఈ ప్రత్యేక ఆఫర్ ఫోన్ హాజెల్, అబ్సిడియన్ స్నో అనే మూడు రంగుల వేరియంట్‌లలో విస్తరించింది.