టెక్ దిగ్గజం ఆపిల్ వరల్డ్‌వైడ్ డెవలపర్స్ కాన్ఫరెన్స్ 2022లో ప్రకటించినట్టు ఐఓఎస్ 16లో కొత్త కొత్త ఫీచర్స్ని అందుబాటులోకి తీసుకొస్తోంది. దీనిలో భాగంగా iOS 16 లో సెకండ్ సిమ్ని ఈజీగా యాక్టివేట్ చేసుకునే ఫెసిలిటీ కల్పిస్తోంది. సెల్యులార్ సేవను సెటప్ చేసేటప్పుడు బ్లూటూత్ ద్వారా iPhoneల మధ్య eSIMని ట్రాన్స్ ఫ‌ర్ చేయడానికి వీలుండే ఈ కొత్త ఫీచర్‌ను పరిచయం చేసింది. MacRumors ప్రకారం iOS 16 అప్ డేట్ ఉన్న iPhoneలోని సెట్టింగ్‌ యాప్‌లో “eSIMని సెటప్పై క్లిక్ చేయండంతో బ్లూటూత్ ద్వారా మరొక iPhone నుండి eSIM క‌నెక్ట్ చేసుకునే చాన్స్ ఉంది.
అయితే ఈ ఫీచర్ US, UKతో సహా పలు దేశాల్లో ఇప్పటికే అందుబాటులో ఉన్నట్లు తెలుస్తుంది. eSIM అనేది డిజిటల్ సిమ్, ఇది ఫిజికల్ నానో-సిమ్ కార్డ్‌ని ఉపయోగించకుండానే క్యారియర్ నుండి సెల్యులార్ ప్లాన్‌ను యాక్టివేట్ చేయడానికి వినియోగదారులను అనుమతిస్తుంది. ఐఫోన్ XS నుంచి ఈ తరహా సేవలను ఆపిల్ సంస్థ అందిస్తోంది. ఐఓఎస్ 16 త్వరలోనే రిలీజ్ అవుతుందని, ఆ సమయంలో ఈ కొత్త eSIM ఫీచర్ వినియోగదారులందరికీ అందుబాటులో ఉంటుందని టెక్ దిగ్గజం తెలిపింది.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.