హైద‌రాబాద్ : భారతదేశంలోని ప్రముఖ అగ్రి-ఇన్‌పుట్ కంపెనీలలో ఒకటైన కోరమాండల్ ఇంటర్నేషనల్ లిమిటెడ్ (సిఐఎల్), యుఎస్ కేంద్రంగా కార్యకలాపాలు నిర్వహిస్తూ ప్రపంచవ్యాప్తంగా ప్రసిద్ధి చెందిన లాభాపేక్షలేని సంస్థ అయిన ఇంటర్నేషనల్ ఫెర్టిలైజర్ డెవలప్‌మెంట్ సెంటర్ (IFDC)లు ఎరువుల అభివృద్ధిలో ఆవిష్కరణ మరియు స్థిరత్వాన్ని పెంపొందించడానికి వ్యూహాత్మక మాస్టర్ పరిశోధన ఒప్పందం పై సంతకం చేశాయి.
ఈ భాగస్వామ్యాన్ని గురించి కోరమాండల్ ఇంటర్నేషనల్ లిమిటెడ్ మేనేజింగ్ డైరెక్టర్ అండ్ సీఈఓ ఎస్ శంకరసుబ్రమణియన్ మాట్లాడుతూ… “ రైతులకు తొలి ప్రాధాన్యత ఇచ్చే కంపెనీగా, భూసారాన్ని పెంపొందించే, పంట ఉత్పాదకతను పెంచే ఆవిష్కరణలను చేయటానికి కోరమాండల్ పూర్తిగా కట్టుబడి ఉంది. ఐ ఎఫ్ డి సి తో ఈ మాస్టర్ రీసెర్చ్ ఒప్పందం పర్యావరణ వ్యవసాయ పరిష్కారాల వైపు మా ప్రయాణంలో ఒక ముఖ్యమైన దశను సూచిస్తుంది. ఎరువుల అభివృద్ధి, ఉత్పత్తి సాంకేతికతలలో ఐ ఎఫ్ డి సి ప్రపంచవ్యాప్తంగా గుర్తింపు పొందిన నైపుణ్యంతో మా ప్రయత్నాలను జోడించడం ద్వారా, ఉత్పాదకతను మెరుగుపరిచే, రైతులకు ఇన్‌పుట్ ఖర్చులను తగ్గించే ప్రభావవంతమైన ఆవిష్కరణలను అందించాలని మేము లక్ష్యంగా పెట్టుకున్నాము” అని అన్నారు.
ఈ భాగస్వామ్యం గురించి ఐ ఎఫ్ డి సి ప్రెసిడెంట్ అండ్ సీఈఓ హెంక్ వాన్ డుయిజ్న్ మాట్లాడుతూ… “భారతదేశం కోసం రూపొందించబడిన సమర్థవంతమైన, పర్యావరణపరంగా అనుకూలమైన ఎరువులను ఆవిష్కరించడానికి, అభివృద్ధి చేయడానికి కోరమాండల్ ఇంటర్నేషనల్‌తో భాగస్వామ్యం చేసుకోవటం పట్ల మేము సంతోషంగా ఉన్నాము. అధిక వ్యవసాయ విస్తీర్ణం కలిగిన దేశంగా, ఐఎఫ్ డిసి కి అపారమైన ప్రాముఖ్యతను కలిగిన దేశంగా ఇండియా నిలిచింది. దేశంలో ఫెర్టిలైజర్ ఇన్నోవేషన్ సెంటర్‌ను ఏర్పాటు చేయాలనే మా ప్రణాళికలు కోరమాండల్ వంటి కంపెనీల సహకారంతో భారతదేశపు ప్రత్యేకమైన వ్యవసాయ అవసరాలను తీర్చడానికి అంకితమైన పరిశోధనలను చేయాలనే మా నిబద్ధతను మరింత బలోపేతం చేస్తాయి..” అని అన్నారు.