ఒక్కొక్కరి ఖాతాల్లోకి రూ.1,95,610 బోనస్
ఒక్కొక్కరి ఖాతాల్లోకి రూ.1,95,610 బోనస్
హైదరాబాద్, కాసిపేట (ఉమ్మడి ఆదిలాబాద్ జిల్లా), ఆంధ్రప్రభ : దసరా సందర్భంగా సింగరేణి(Singareni) కార్మికులకు తెలంగాణ ప్రభుత్వం బోనస్ ప్రకటించింది. లాభాల్లో 34 శాతం కార్మికులకు పంచాలని రాష్ట్ర ప్రభుత్వం నిర్ణయించింది. ఈ మేరకు సీఎం రేవంత్ రెడ్డి(CM Revanth Reddy), డిప్యూటీ సీఎం భట్టి విక్రమార్క వెల్లడించారు.
ఒక్కో కార్మికుడికి బోనస్ గా రూ.1,95,610 ఇవ్వనున్నట్లు తెలిపారు. హైదరాబాద్లో పలువురు మంత్రులతో కలిసి నిర్వహించిన మీడియా సమావేశంలో ఈ మేరకు వెల్లడించారు. కాంట్రాక్ట్ కార్మికులకూ బోనస్ చెల్లిస్తామని భట్టి తెలిపారు. కాంట్రాక్ట్ కార్మికులకు బోనస్ ఇవ్వడం దేశ చరిత్రలోనే తొలిశారని చెప్పారు.
- రూ.819 కోట్లు బోనస్గా చెల్లింపు
సింగరేణి సంస్థలోని 41వేల మంది శాశ్వత ఉద్యోగులకు మొత్తంగా రూ.819 కోట్లు బోనస్ గా పంపిణీ చేస్తామని సీఎం తెలిపారు. 30వేల మంది కాంట్రాక్ట్(Contract) ఉద్యోగులకూ రూ.5,500 చొప్పున అందజేస్తామన్నారు. కోల్ ఇండియా నుంచి వచ్చే బోనస్ను దీపావళికి పంపిణీ చేస్తామని చెప్పారు.
భవిష్యత్లోనూ సింగరేణి కార్మికులకు అండగా ఉంటామని, జీఎస్టీ(GST) మార్పుల వల్ల రాష్ట్రాలు ఆదాయం కోల్పోతున్నాయని, కోల్పోతున్నఆదాయాన్ని కేంద్రం భర్తీ చేయాలని చెప్పారు. ఏకపక్షంగా నిర్ణయం తీసుకుని రాష్ట్రాలపై భారం వేయడం సరికాదని, వచ్చే ఐదేళ్లపాటు కేంద్రం వయబులిటీ గ్యాప్ ఫండ్ ఇవ్వాలని రేవంత్ రెడ్డి అన్నారు.
- లాభాల ప్రకటన పై యాజమాన్యం ఆలస్యం చేసిన గతం కంటే మెరుగ్గా ఉంటాయని తలచిన కార్మికులకు ప్రభుత్వం నిర్ణయం నిరాశపరిచిందని పలువురు కార్మికులు అంటున్నారు. ఐదేళ్లుగా కంపెనీ సాధించిన లాభాలు, కార్మికులకు చెల్లించిన లాభాల శాతం(Profit Percentage) పరిశీలిస్తే ఇలా ఉన్నాయి…
- 2019-20 లో రూ, 993.26 కోట్లు నికర లాభాలు(Percentage of Profits) గడించగా వాటి నుండి 28 శాతం తో రూ,278.30 కోట్లు చెల్లించారు.
- 2020-21 లో రూ, 272.64 కోట్ల నుండి ఒక శాతం పెంచి 29 శాతం తో రూ, 79.8 కోట్లు పంపిణీ చేశారు.
- కరోనా సమయం అయినప్పటికీ ఒక శాతం పెంచడం విశేషం.
- 2021-22 లో రూ,1 227 కోట్లు లాభాలు పొందగా వాటి నుండి ఒక శాతం పెంపుదలతో 30 శాతంతో రూ,998.00 కోట్లు కార్మికులకు పంపిణీ చేశారు.
- 2022-23 లో రూ,2 222.46 కోట్లు భారీగా లాభాలు సాధించి రెండు శాతం పెంచి 32 శాతంతో రూ,711.18 కోట్లు పంపిణీ(Distribution) చేశారు.
- 2023-24 అంటే గత ఏడాది రూ,2 412.00 కోట్లు లాభాలు ఆర్జించినట్టు పేర్కొంటూ వాటి నుండి 33 శాతంతో రూ,796 కోట్లు కార్మికులకు చెల్లింపులు చేశారు.
- ఈ ఏడాది (2024- 25) లో గత ఏడాది శాతం కంటే ఒక శాతం పెంచి చెల్లింపులకు ఆదేశాలు ఇవ్వడం బాధాకరమని కార్మికులు అంటున్నారు.
