అమరావతి, ఆంధ్రప్రభ: విజయవాడ బీఆర్‌టీఎస్‌ రోడ్‌లోని శ్రీ శృంగేరీ శారదా పీఠంలో జగద్గురువులు శ్రీ విధుశేఖర భారతి స్వామీజీని మాజీ ముఖ్యమంత్రి, వైయస్సార్‌ సీపీ అధినేత వైయస్‌ జగన్మోహన్‌ రెడ్డి దర్శించుకున్నారు. మంగళవారం విజయవాడలో పర్యటించిన జగన్‌ బీఆర్‌టీఎస్‌ రోడ్‌లోని శ్రీ శృంగేరీ శారదా పీఠంలో జగద్గురువులు శ్రీ విధుశేఖర భారతి స్వామీజీని కలిసి ఆశీర్వచనం తీసుకున్నారు.
ఈ పర్యటనలో వైయస్‌ జగన్‌తో పాటు స్వామీజీని కలిసిన ఎంపీ వైవీ సుబ్బారెడ్డి, ఎమ్మెల్సీ కేఆర్‌జే భరత్, మాజీ మంత్రి వెలంపల్లి శ్రీనివాస్‌, మాజీ ఎమ్మెల్యే మల్లాది విష్ణు, వైఎస్సార్‌సీపీ విజయవాడ ఈస్ట్‌ ఇంచార్జ్‌ దేవినేని అవినాష్‌, పలువురు నాయకులు ఆశీర్వచనం తీసుకున్నారు.