మహిళపై దాడి.. తీవ్ర‌గాయాలు

కడప: కడప నగర శివారులోని రిమ్స్ పోలీస్ స్టేషన్ పరిధిలో ఉన్న ఆటో నగర్ లో బషీరూన్ అనే మహిళ పై మల్లెల నారాయణ అనే వ్యక్తి కత్తి తో దాడి చేయడంతో ఆమెకు తీవ్ర గాయాలు అయ్యాయి. రెండేళ్లుగా వీరి మ‌ధ్య ప‌రిచ‌యం ఉన్న‌ట్టు సమాచారం, అయితే ఇటీవల నిందితుని భార్య కు చేతబడి చేయించందని కోపంతోనే కత్తితో దాడి చేసినట్లు తెలుస్తోంది,
ప్రస్తుతం బషీరూన్ పరిస్థితి విషమంగా ఉండటంతో చికిత్స నిమిత్తం కడప రిమ్స్ ఆసుపత్రికి తరలించి వైద్య చికిత్స అందిస్తున్నారు. సంఘటన స్థలానికి రిమ్స్ పోలీసులు చేరుకొని కేసు దర్యాప్తు చేస్తున్నారు.