రైలు ఢీకొని వ్యక్తి మృతి..

దెందులూరు, ప్రభ న్యూస్ : ఏలూరు జిల్లా దెందులూరు మండలం అలుగులు గూడెం రైల్వే గేట్ సమీపంలో రైలు ఢీకొని వ్య‌క్తి మృతి చెందాడు. వివ‌రాలు ఇలా ఉన్నాయి.. నాగన్నగూడెం గ్రామానికి చెందిన పచ్చిగోళ్ళ వెంకటేశ్వర రావు (49) అలుగులుగూడెం రైల్వే ట్రాక్ వద్ద రైలు పట్టాలు దాటుతుండ‌గా గుర్తుతెలియని రైలు ఢీకొట్టింది. ఈ ప్ర‌మాదంలో వెంక‌టేశ్వ‌ర రావు మృతి చెందాడు. స‌మాచారం అందుకున్న ఏలూరు రైల్వే పోలీసులు ఘ‌ట‌న స్థ‌లానికి చేరుకుని మృత దేహానికి పోస్ట్ మార్టం నిర్వ‌హించారు. అనంత‌రం మృతదేహాన్ని బంధువులకు అప్పగించారు. ఏలూరు రైల్వే హెడ్ కానిస్టేబుల్ నంబూరి ఆదినారాయణ కేసు నమోదు చేసుకున్నారు.