జనం డబ్బుతో జల్సాలు.. గ్రామ వాలంటీర్ నిర్వాకం

ఏపీ ప్రభుత్వం ఎంతో ప్రతిష్టాత్మకంగా తీసుకొచ్చిన గ్రామ వాలంటీర్ వ్యవస్థను.. కొంత మంది మాత్రం దాన్ని అభాసుపాలు చేస్తున్నారు. తమదే రాజ్యం అన్నట్టుగా ఇష్టానుసారం రెచ్చిపోతున్నారు. తాజాగా నెల్లూరు జిల్లాలో ఓ గ్రామ వాలంటీర్ తన చేతి వాటాన్ని ప్రదర్శిస్తున్నాడు. జనం వద్ద నుంచి ఇష్టారాజ్యంగా అక్రమ వసూళ్లకు పాల్పడుతున్నాడు. అక్రమంగా వసూలు చేసిన ఆ డబ్బుతో జోరుగా పేకాట ఆడుతూ జల్సా చేస్తున్నాడు. బుచ్చిరెడ్డి పాళెం మండలం, వడ్డిపాళెంలో వాలంటీర్ మల్లి వంశీ ఈ అక్రమ వసూళ్లకు పాల్పడుతున్నాడు. దీంతో విసుగు చెందిన స్థానికులు అధికారులకు ఫిర్యాదు చేశారు.