ఇద్దరి పరిస్థితి విషమం
సోంపేట, నవంబర్1 (ఆంధ్ర ప్రభ ) : శ్రీకాకుళం జిల్లా ఇచ్చాపురం నియోజకవర్గం సోంపేట మండలంలో కూలీ పనులు చేసేందుకు వ్యాన్ పై వెళ్తుండగా బారువా రైల్వే గేట్ సమీపంలో వ్యాన్ బోల్తా పడడడంతో వ్యాన్ లో ప్రయాణిస్తున్న 15మంది కూలీలకు తీవ్ర గాయాలైనట్లు బారువ ఎస్సై చంద్రశేఖర్ తెలిపారు.
శుక్రవారం కంచిలి మండలం పూర్ణ శాసనం గ్రామానికి చెందిన 15మంది దినసరి కూలీలు బారువా సమీపంలో జరుగుతున్న రోడ్ల పనులు చేసేందుకు బొలెరో వ్యాన్ పై వెళ్తుండగా ప్రమాదవ‌శాత్తు వ్యాన్ బోల్తా పడడంతో ఒక మహిళ చేయి తెగిపోవడంతో పాటుగా 12మందికి స్వల్ప గాయాలు, మరో ఇద్దరు పరిస్థితి విషమంగా ఉన్నట్లు బారువ పోలీసులు తెలిపారు. క్షతగాత్రులకు బారువ ప్రభుత్వ సామాజిక ఆసుపత్రికి చికిత్స నిమిత్తం తరలించినట్లు ఎస్ఐ తెలిపారు. పూర్తి స్థాయి వివరాలు తెలియజేస్తుంది. జరిగిన సంఘటనపై బారువ ఎస్సై చంద్రశేఖర్ కేసు నమోదు చేసి దర్యాప్తు చేస్తున్నారు.