ఏపీ అసెంబ్లీ ఎన్నికల్లో జనసేన అధినేత పవన్ కల్యాణ్ విజయం సాధించారు. పిఠాపురం నుంచి పోటీ చేసి అఖండ మెజారిటీతో గెలుపొందిన ప‌వ‌న‌క‌ళ్యాణ్ ఇటీవ‌లే ఏపీ డిప్యూటీ సీఎంగా ప్ర‌మాణ స్వీకారం కూడా చేశారు. పంచాయత్ రాజ్, గ్రామీణాభివృద్ధి, తాగునీటి సరఫరా, పర్యావరణం, అటవీ, సైన్స్ అండ్ టెక్నాలజీ శాఖలను పవన్ కల్యాణ్‌కు కేటాయించారు.
ఈ నేపథ్యంలో, పవన్ కల్యాణ్‌కు ఆయన వదిన, మెగాస్టార్ చిరంజీవి సతీమణి ప్రత్యేకమైన బహుమతి ఇచ్చారు. తెలుగు ప్రజల ఆశలు నెరవేర్చాలంటూ స్పెషల్ గిఫ్ట్ అందజేశారు. ఓ ఫౌంటెన్ పెన్ ను ఆమె తన మరిదికి బహూకరించారు. వదినమ్మ నుంచి అందిన స్పెషల్ గిఫ్ట్ చూసి పవన్ కల్యాణ్ అమితానందం వ్యక్తం చేశారు. ఈ సందర్భంగా పవన్, అన్నా లెజనోవా, సురేఖ, మెగాస్టార్ చిరంజీవి ఫొటోలకు పోజులిచ్చారు. దీనికి సంబంధించిన వీడియోను చిరంజీవి సోషల్ మీడియాలో పంచుకున్నారు.