ఉగాది పండుగను పురస్కరించుకుని తిరుమల శ్రీవారి ఆలయంలో ఇవాళ ఉగాది ఆస్థానం నిర్వహిస్తున్నారు. ఉగాది ఆస్థానాన్ని పురస్కరించుకొని ఆలయాన్ని టీటీడీ సిబ్బంది సర్వాంగ సుందరంగా తీర్చిదిద్దారు. శ్రీదేవి భూదేవి సమేత మలయప్పస్వామి, విష్వక్సేనుల విశేష ఆభరణాలు సమర్పించారు.
- Advertisement -
ఈ ఉదయం ఉత్సవమూర్తులు ఆలయంలోకి ప్రవేశిస్తారు. అనంతరం గర్భాలయంలో స్వామివారికి, ఉత్సవమూర్తులకు నూతన వస్త్రాలు సమర్పించనున్నారు. నూతన వస్త్రాలు సమర్పణ తర్వాత అర్చకులు పంచాంగ శ్రవణం చేయనున్నారు. ఉగాది ఆస్థానం సందర్భంగా టీటీడీ అధికారులు ఆర్జిత సేవలను రద్దు చేశారు. భక్తులు ఈ విషయాన్ని గమనించాలని కోరారు.