తిరుమల తిరుపతి దేవస్థానాలు, హిందూధర్మ పరిషత్ ఆధ్వర్యంలో రేపు (సోమవారం) సాయంత్రం 5:00 నుండి రాత్రి 8:00 గంటల వరకు విశాఖపట్నంలోని ఎంవీపీ కాలనీలోని టిటిడి కల్యాణ మండపంలో పవిత్ర కార్తీక దీపోత్సవం జరుగనుంది. వైజాగ్ భక్తులందరూ ఈ దివ్య కార్యక్రమంలో పాల్గొని శ్రీ వేంకటేశ్వరుని కృపకు పాత్రులు కావాలని టీటీడీ సాదరంగా ఆహ్వానించింది.
ఈ కార్యక్రమంలో భాగంగా టీటీడీ అర్చకులు శ్రీవేంకటేశ్వరుని పంచలోహ విగ్రహాలకు పూజలు నిర్వహించి వైదిక సంప్రదాయాలను అనుసరించనున్నారు. భక్తులందరూ పాల్గొని ఈ ఆధ్యాత్మిక వేడుకను ఘనంగా నిర్వహించవలసిందిగా టిటిడి కోరుతోంది.