టీటీడీ క్యాలెండర్లు, డైరీలను ఆవిష్కరించిన సీఎం జగన్

తిరుమల తిరుపతి దేవస్థానం ముద్రించిన 2023వ సంవత్సరం డైరీలు, క్యాలెండర్లను రాష్ట్ర ముఖ్యమంత్రి వైఎస్ జగన్మోహన్ రెడ్డి ఆవిష్కరించారు. శ్రీవారి సాల‌క‌ట్ల బ్రహ్మోత్సవాల్లో భాగంగా తిరుమలకు వచ్చిన ఏపీ సీఎం జగన్ ఈ డైరీలను ఆవిష్కరించారు. 12 పేజీల క్యాలెండర్లు 13 లక్షలు, 6 పేజీల క్యాలెండ‌ర్లు 50 వేలు, పెద్ద డైరీలు 8 లక్షలు, చిన్నడైరీలు 1.50 లక్షలు, టేబుల్‌ టాప్‌ క్యాలెండర్లు 2.50 ల‌క్షలు ముద్రించినట్లు టీటీడీ అధికారులు వెల్లడించారు. శ్రీవారి పెద్ద క్యాలెండర్లు 3.5 లక్షలు, శ్రీ పద్మావతి అమ్మవారి పెద్ద క్యాలెండర్లు 10 వేలు, శ్రీవారు, శ్రీపద్మావతి అమ్మవారి క్యాలెండర్లు 4 లక్షలు, తెలుగు పంచాంగం క్యాలెండర్లు 2.50 లక్షల కాపీలను టీటీడీ ముద్రించింది.