ఏపీలో భారీగా డీఎస్పీలు బదిలీ అయ్యారు. ఇటీవల 77 మంది డీఎస్పీలు బదిలీ చేయగా… శనివారం మరో 50 మంది డీఎస్పీలను డీజీపీ రాజేంద్రనాథ్ రెడ్డి బదిలీ చేశారు. ఈ మేరకు డీజీపీ ఉత్తర్వులు జారీ చేశారు. వచ్చే ఏడాది ఎన్నికలను దృష్టిలో ఉంచుకుని ఏపీ సర్కార్ కీలక పోస్టింగులలో బదిలీలు చేపట్టింది. వారం క్రితం(ఏప్రిల్ 26)న ఏడుగురు ఐపీఎస్ అధికారులతో సహా 77 మంది డీఎస్పీలను 55 పోలీస్ సబ్ డివిజన్లకు బదిలీ చేసింది. ప్రస్తుతం పనిచేస్తున్న వారిని బదిలీ చేసి ఆ స్థానాల్లో వేరే వారిని సబ్ డివిజనల్ పోలీస్ అధికారులుగా, ఏసీపీ, ఎస్పీలుగా నియమిస్తూ ఉత్తర్వులు జారీచేసింది. తాజాగా మరో 50 మంది డీఎస్పీలను బదిలీ చేస్తూ ఉత్తర్వులు ఇచ్చింది.
