తిరుమల శ్రీ వెంకటేశ్వర స్వామి వారిని ఆప్ అధినేత అరవింద్ కేజ్రీవాల్ దర్శించుకున్నారు. గురువారం ఉదయం విఐపీ విరామ సమయంలో సతీసమేతంగా పాల్గొని మొక్కులు చెల్లించుకున్నారు. దర్శనం అనంతరం రంగనాయకుల మండపంలో అరవింద్ కేజ్రీవాల్ దంపతులకు వేదపండితులు వేదాశీర్వచనం అందించగా…ఆలయ అధికారులు శ్రీవారి తీర్థ ప్రసాదాలు అందజేసి పట్టువస్త్రంతో సత్కరించారు.
ఇదిలా ఉండ‌గా… ఆప్ పార్టీ స్థాపించి, సీఎం అయ్యాక మొదటిసారి తిరుమల శ్రీవారిని దర్శించుకున్నారు కేజ్రీవాల్. సతీసమేతంగా స్వామి వారి సేవలో పాల్గొని మొక్కులు సమర్పించుకున్నారు. ఇక ఢిల్లీ లిక్కర్ స్కామ్ లో అరెస్ట్ అయిన కేజ్రీవాల్ బెయిల్ పై బయటకువచ్చి తన ముఖ్యమంత్రి పదవికి రాజీనామా చేసి అతిషిని సీఎంగా చేశారు. ఇక ఆప్ పార్టీ స్థాపించిన అనంతరం భారీ మెజారిటీతో ఢిల్లీలో అధికారాన్ని నెలకొల్పారు. కేంద్రంలో అధికారంలో ఉన్న పార్టీలను పక్కనపెట్టి ఆప్ పార్టీ అధికారంలోకి రావడం మరో విశేషం.