సంక్రాంతి సీజన్‌ని క్యాష్ చేసుకోవడానికి థియేటర్లలోకి వస్తున్న టాలీవుడ్ సినిమాలకు షాక్ తగిలింది. టికెట్ రేట్లు పెంచడంతో పాటు స్పెషల్ షోలకు ఏపీ ప్రభుత్వం అనుమతి ఇచ్చిన సంగతి తెలిసిందే. అయితే ప్రభుత్వం తీసుకున్న నిర్ణయంపై హైకోర్టు అసంతృప్తి వ్యక్తం చేసింది. ఈ మేరకు విచారణ చేపట్టిన హైకోర్టు బెనిఫిట్ షోలను రద్దు చేస్తూ కీలక నిర్ణయం తీసుకుంది.
దీంతో ఇప్పటికే రామ్ చరణ్ గేమ్ ఛేంజర్ విడుదల కాగా… విడుదలకు ఇంకా రెండు రోజులు మాత్రమే మిగిలి ఉన్న బాలకృష్ణ డాకు మహారాజ్ (జనవరి 12న విడుదల), వెంకటేష్ సంక్రాంతికి ప్రయాణం (జనవరి 14న విడుదల) సినిమాలకు పెద్ద షాక్ తగిలిందని చెప్పవచ్చు.
టికెట్ రేట్లు, బెనిఫిట్ షోల పెంపుపై హైకోర్టు అసంతృప్తి వ్యక్తం చేసిన నేప‌థ్యంలో… ఏపీ ప్రభుత్వం కొత్త ఉత్తర్వులు జారీ చేసింది. అర్ధరాత్రి ఒంటి గంట, ఉదయం నాలుగు గంటల షోలకు అనుమతి నిరాకరించింది. ఒక రోజులో ఐదు షోలకు మించి బెనిఫిట్ షో ప్రదర్శించవచ్చని తెలిపింది.