కర్నూలు బ్యూరో : జిల్లా పోలీసు యంత్రాంగం అందించిన సహాకారం మరువలేనిదని ఎస్పీ జి.బిందు మాధవ్ అన్నారు. కాకినాడ జిల్లా ఎస్పీగా బదిలీపై వెళ్తున్న కర్నూలు జిల్లా ఎస్పీ జి.బిందు మాధవ్ కు కర్నూలు రాగమయూరి రిసార్ట్ లో కర్నూలు జిల్లా పోలీసు అధికారులు ఆత్మీయ వీడ్కోలు పలికారు. కర్నూల్ జిల్లా ఎస్పీ దంపతులను కర్నూల్ రేంజ్ డీఐజీ డాక్టర్ కోయ ప్రవీణ్ శాలువా, పూలమాలతో సన్మానించి జ్ఞాపికను అందజేశారు. శాంతిభద్రతల పరిరక్షణలో, విధి నిర్వహణలో జిల్లా పోలీసు యంత్రాంగం అందించిన సహాకారం మరువలేనిదని కర్నూల్ జిల్లా ఎస్పీ జి.బిందు మాధవ్ తెలిపారు.
ఈ సన్మాన కార్యక్రమంలో కర్నూల్ రేంజ్ డీఐజీ డాక్టర్ కోయ ప్రవీణ్, నంద్యాల జిల్లా ఎస్పీ ఆదిరాజ్ సింగ్ రాణా, అన్నమయ్య జిల్లా ఎస్పీ వి.విద్యాసాగర్ నాయుడు, కడప జిల్లా ఎస్పీ ఈ జి.అశోక్ కుమార్, జాయింట్ కలెక్టర్ బి.నవ్య, ట్రైనీ కలెక్టర్ చల్లా కళ్యాణి, విజిలెన్స్ అండ్ ఎన్ ఫోర్స్ మెంట్ ప్రాంతీయ అధికారి చౌడేశ్వరి, హోంగార్డు కమాండెంట్ సదరన్ రీజియన్ మహేష్ కుమార్, అడిషనల్ ఎస్పీ హుస్సేన్ పీరా, డీఎస్పీలు, సిఐలు, ఎస్సైలు ఉన్నారు.