ఘోర రోడ్డుప్ర‌మాదం.. ముగ్గురు దుర్మ‌ర‌ణం..

ఘోర రోడ్డుప్ర‌మాదంలో ముగ్గురు దుర్మ‌ర‌ణం చెందిన విషాద ఘ‌ట‌న ఆంధ్ర‌ప్ర‌దేశ్ రాష్ట్రంలోని చిత్తూరు జిల్లాలో చోటుచేసుకుంది. అరవపల్లి వద్ద అదుపుతప్పిన కారు చెట్టును ఢీకొట్టింది. ఈ ఘటనలో ముగ్గురు మృత్యువాత పడగా… మరొకరి పరిస్థితి విషమంగా ఉంది. సమాచారం అందుకున్న పోలీసులు ఘటనా స్థలానికి చేరుకుని పరిస్థితిని సమీక్షించారు. ప్రమాదంపై కేసు నమోదు చేసి దర్యాప్తు చేస్తున్నారు. కాగా మృతులు పుంగనూరుకు చెందిన కుమార్, భాగ్యరాజ్, రవిగా గుర్తించారు.