Breaking: మార్చి 7 నుంచి తెలంగాణ అసెంబ్లీ బ‌డ్జెట్ స‌మావేశాలు.. ఏపీలోనూ అదే రోజు ప్రారంభం

మార్చి 7వ తేదీ నుంచి తెలంగాణ అసెంబ్లీ బడ్జెట్‌ సమావేశాలు ప్రారంభం కానున్నాయి. అదే రోజు ఉదయం ఏపీ అసెంబ్లీ సమావేశాలు కూడా ప్రారంభం కావడం విశేషం. ఈసారి బడ్జెట్‌ సమావేశాల ప్రారంభం రోజున గవర్నర్‌ ప్రసంగం ఉండటం లేదు. సాధారణంగా ఏడాది ప్రారంభంలో జరిగే తొలి బడ్జెట్‌ సమావేశంలో రాష్ట్ర గవర్నర్‌ ప్రసంగించడం సంప్రదాయం. బడ్జెట్‌ సమావేశాలు 12 రోజులు జరిగే అవకాశముంది. బడ్జెట్‌ సమావేశాలు యాదాద్రి ఆలయ పునః ప్రారంభోత్సవం లోపలే పూర్తి కానున్నాయి. మార్చి 28న యాదాద్రిలో మహా కుంభ సంప్రోక్షణ ఉంటుందని తెలుస్తోంది.