విజయసాయికి విషయ పరిజ్ఞానం లేదు: వర్ల

టీడీపీ అధినేత చంద్రబాబు నాయుడు చేపట్టిన ‘సాధన దీక్ష’పై వైసీపీ ఎంపీ విజయసాయిరెడ్డి చేసిన వ్యాఖ్యలను టీడీపీ సీనియర్ నేత వర్ల రామయ్య తిప్పి కొట్టారు. ఏ2 విజయసాయిరెడ్డి మిడిమిడి జ్ఞానంతో విషయ పరిజ్ఞానం లేకుండా మాట్లాడుతున్నారని విమర్శించారు. నిన్న చంద్రబాబు చేపట్టిన ‘సాధన దీక్ష’ కొవిడ్ నిబంధనలకు అనుగుణంగా, పరిమిత సంఖ్యలో కొద్దిమందితోనే నిర్వహించారని తెలిపారు. కార్తకర్తలెవరూ రావొద్దని, ఎవరి నియోజకవర్గంలో వారు దీక్ష చేయాలని ఆదేశించామని చెప్పారు. ఈ విషయం కూడా తెలియని మీరు ఒక ఎంపీనా? అంటూ విమర్శించారు.