పద్మావతి కాంప్లెక్స్‌పై పిటిషన్‌ను కొట్టేసిన సుప్రీంకోర్టు.. కలెక్టర్ చెట్టుకింద కూర్చుని పనిచేయలేరన్నధర్మాసనం

న్యూఢిల్లీ, ఆంధ్రప్రభ : తిరుచానూరులోని పద్మావతి కాంప్లెక్స్‌ను బాలాజీ జిల్లా నూతన కలెక్టరేట్ కార్యాలయంగా మార్చడంపై దాఖలైన పిటిషన్‌ను సుప్రీంకోర్టు కొట్టివేసింది. ఈ పిటిషన్‌పై బుధవారం జస్టిస్ చంద్రుచూడ్ ధర్మాసనం విచారణ జరిపింది. హైకోర్టు ఇచ్చిన తీర్పులో జోక్యం చేసుకోవాల్సిన అవసరం లేదని, అత్యున్నత ధర్మాసనం పిటిషన్‌ను డిస్మిస్ చేసింది. కలెక్టరేట్ కార్యాలయం రావడం వల్ల ఆ ప్రాంతంలో అభివృద్ధి జరుగుతుందని, కలెక్టర్ చెట్టు కింద కూర్చుని పని చేయలేరు కదా అని సుప్రీంకోర్టు వ్యాఖ్యానించింది. ప్రజాస్వామ్యంలో ప్రభుత్వానికి సముచిత గౌరవం ఇవ్వాలని స్పష్టం చేసింది. జిల్లాల పునర్విభజన చేసుకునే అధికారం ప్రభుత్వానికి ఉందని ధర్మాసనం తెలిపింది.